Ólafur Bjarki bestur í umferðum eitt til sjö í N1-deild karla

HK-ingurinn Ólafur Bjarki Ragnarsson var nú í hádeginu valinn besti leikmaður umferða 1-7 í N1-deild karla. Ólafur Bjarki hefur farið mikinn í liði HK sem hefur komið verulega á óvart með frábærri frammistöðu.

Það þarf ekki að koma á óvart að fulltrúar frá Akureyri og HK séu áberandi í valinu.

Akureyri hefur ekki tapað leik og HK tapaði aðeins fyrir Akureyri.

Sú nýbreytni hefur verið tekin upp í vali HSÍ að nú er einnig valinn besti varnarmaðurinn. Þann heiður hlýtur fyrstur allra Húsvíkingurinn í liði Akureyrar, Guðlaugur Arnarsson.

Úrvalslið umferða 1-7:

Markvörður: Sveinbjörn Pétursson, Akureyri

Vinstra horn: Bjarki Már Elísson, HK

Vinstri skytta: Guðmundur Hólmar Helgason, Akureyri

Miðjumaður: Ólafur Bjarki Ragnarsson, HK

Hægri skytta: Jóhann Gunnar Einarsson, Fram

Hægra horn: Bjarni Fritzson, Akureyri

Línumaður: Atli Ævar Ingólfsson, HK

Besti þjálfarinn: Atli Hilmarsson, Akureyri

Besti varnarmaðurinn: Guðlaugur Arnarsson,

Besta umgjörðin: FH

Bestu dómarar: Anton Gylfi Pálsson og Hlynur Leifsson.