Tilþrifamikið táningadrama Roald Eyvindsson skrifar 22. október 2010 07:00 Sögum vinanna er haganlega fléttað saman og framvindan svo áreynslulaus og skemmtileg að áhorfandinn gleymir sér. Bíó **** Órói Leikstjóri: Baldvin Z. Aðalhlutverk: Atli Óskar Fjalarsson, Hreindís Ylfa Garðarsdóttir Holm, Haraldur Ari Stefánsson, Birna Rún Eiríksdóttir, Elías Kofoed-Hansen, María Birta Bjarnadóttir. Unglingakvikmyndir eru gerðar með reglulegu millibili á Íslandi með æði misjafnri útkomu og oftar en ekki er gripið til einhverra stórkarlaláta, svæsinna ofbeldis- og kynlífsatriða til að trekkja að í bíó. Sem betur fer voru framleiðendur og leikstjóri hins vegar með báða fætur kyrfilega á jörðinni við gerð kvikmyndarinnar Óróa, þar sem brugðið er upp raunsærri mynd af hópi vina sem eru að slíta barnsskónum og stíga inn í heim hinna fullorðnu. Aðalsöguhetjan er Gabríel, ósköp venjulegur unglingsstrákur sem kýs frekar að takast á við vandamál vinanna en sín eigin og verður því hálfgerður áhorfandi að eigin lífi og annarra. Í gegnum hann fá áhorfendur að skyggnast inn í heim íslenskra unglinga í Reykjavík samtímans, sem einkennist af sálarflækjum, (flóknum) ástarsamböndum, partístandi og mismunandi fjölskylduaðstæðum. Órói kemur þessu öllu vel til skila, þökk sé öruggri leikstjórn Baldvins Z, sem jafnframt á heiðurinn að vel skrifuðu handriti ásamt Ingibjörgu Reynisdóttur, höfundi bókanna sem myndin byggir á. Sögum vinanna er haganlega fléttað saman og framvindan svo áreynslulaus og skemmtileg að áhorfandinn gleymir sér í ofurhversdagslegum vandamálum unglinga (og fullorðinna líka), sem sannar kannski enn einu sinni að ekki þarf einhverja furðufugla, gamlar konur með uppstoppaða seli eða álfa út úr hól, til að gera áhugavert bíó. Samtölin eru sömuleiðis eðlileg og sannfærandi í meðförum vel skipaðs og samstillts leikarahóps, þar sem hinir yngri og óreyndari eiga að öðrum ólöstuðum sérstakt hrós skilið fyrir að glæða persónur sínar lífi og sýna hugrekki með því að takast á við vandmeðferðin málefni. Þá er óupptalin áferðarfalleg kvikmyndataka, vönduð klipping og hljóðvinnsla, smekklega útfærð sviðsmynd og síðast en ekki síst tónlist, lög valin af kostgæfni úr smiðju íslenskra hljómsveita sem gefa réttan tón, styðja myndefnið og staðsetja myndina betur í samtímanum. Allt saman á þetta sinn þátt í að gera Óróa að ánægjulegri upplifun fyrir unglinga á öllum aldri. Niðurstaða: Vel heppnuð unglingamynd að mestu leyti, laus við tilgerð og Hollywood-stæla sem einkenna oft íslenskar myndir af þessu sauðahúsi. Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó **** Órói Leikstjóri: Baldvin Z. Aðalhlutverk: Atli Óskar Fjalarsson, Hreindís Ylfa Garðarsdóttir Holm, Haraldur Ari Stefánsson, Birna Rún Eiríksdóttir, Elías Kofoed-Hansen, María Birta Bjarnadóttir. Unglingakvikmyndir eru gerðar með reglulegu millibili á Íslandi með æði misjafnri útkomu og oftar en ekki er gripið til einhverra stórkarlaláta, svæsinna ofbeldis- og kynlífsatriða til að trekkja að í bíó. Sem betur fer voru framleiðendur og leikstjóri hins vegar með báða fætur kyrfilega á jörðinni við gerð kvikmyndarinnar Óróa, þar sem brugðið er upp raunsærri mynd af hópi vina sem eru að slíta barnsskónum og stíga inn í heim hinna fullorðnu. Aðalsöguhetjan er Gabríel, ósköp venjulegur unglingsstrákur sem kýs frekar að takast á við vandamál vinanna en sín eigin og verður því hálfgerður áhorfandi að eigin lífi og annarra. Í gegnum hann fá áhorfendur að skyggnast inn í heim íslenskra unglinga í Reykjavík samtímans, sem einkennist af sálarflækjum, (flóknum) ástarsamböndum, partístandi og mismunandi fjölskylduaðstæðum. Órói kemur þessu öllu vel til skila, þökk sé öruggri leikstjórn Baldvins Z, sem jafnframt á heiðurinn að vel skrifuðu handriti ásamt Ingibjörgu Reynisdóttur, höfundi bókanna sem myndin byggir á. Sögum vinanna er haganlega fléttað saman og framvindan svo áreynslulaus og skemmtileg að áhorfandinn gleymir sér í ofurhversdagslegum vandamálum unglinga (og fullorðinna líka), sem sannar kannski enn einu sinni að ekki þarf einhverja furðufugla, gamlar konur með uppstoppaða seli eða álfa út úr hól, til að gera áhugavert bíó. Samtölin eru sömuleiðis eðlileg og sannfærandi í meðförum vel skipaðs og samstillts leikarahóps, þar sem hinir yngri og óreyndari eiga að öðrum ólöstuðum sérstakt hrós skilið fyrir að glæða persónur sínar lífi og sýna hugrekki með því að takast á við vandmeðferðin málefni. Þá er óupptalin áferðarfalleg kvikmyndataka, vönduð klipping og hljóðvinnsla, smekklega útfærð sviðsmynd og síðast en ekki síst tónlist, lög valin af kostgæfni úr smiðju íslenskra hljómsveita sem gefa réttan tón, styðja myndefnið og staðsetja myndina betur í samtímanum. Allt saman á þetta sinn þátt í að gera Óróa að ánægjulegri upplifun fyrir unglinga á öllum aldri. Niðurstaða: Vel heppnuð unglingamynd að mestu leyti, laus við tilgerð og Hollywood-stæla sem einkenna oft íslenskar myndir af þessu sauðahúsi.
Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira