Ernir Hrafn: Lykilmenn eru að klikka

Valsarinn Ernir Hrafn Arnarson var brúnaþungur eftir sjötta tap Vals í N1-deild karla. Valur hefur ekki enn unnið leik í deildinni og það er mikil krísa á Hlíðarenda.

"Þetta var betra hjá okkur í dag en í mörgum leikjum fyrr í vetur," sagði Ernir við Þorkel Sigurbjörnsson hjá Rúv eftir leikinn.

"Það er samt margt að klikka. Við erum að fá heimskulegar tvær mínútur og svo gátu lykilmenn ekki neitt í dag. Það á ekki að sjást," sagði Ernir en Valur mætir næst Aftureldingu.

"Það styttist í að þetta smelli hjá okkur. Vörnin var ágæt í dag á köflum."