Hamrarnir og Fram komust áfram í bikarnum

32-liða úrslitum Eimskips bikar karla í handbolta lauk í gær með tveimur leikjum. Fram og utandeildarliðið Hamrarnir frá Akureyri tryggðu sér þá sæti í 16-liða úrslitunum.

Fram vann stórsigur á KS á Siglufirði, 42-14, en Hamrarnir gerðu sér lítið fyrir og lögðu Fjölni sem spilar í 1. deild, 30-25.

Utandeildarlið Hamranna var sterkari aðilinn allan leikinn og átti sigurinn skilinn en leikurinn fór fram á Blönduósi. Liðin skiptu þannig með sér ferðakostnaði á hagkvæman hátt.

Næsta umferð fer fram 14. nóvember en dregið verður í vikunni.

Liðin í 16-liða úrslitunum:

Stjarnan

Valur

Haukar

ÍR 2

ÍBV 2

ÍR

FH

Afturelding

Selfoss

Haukar 2

Víkingur

Grótta

Akureyri

Valur 2

Fram

Hamrarnir