Umfjöllun: Fyrsti sigur Framara staðreynd

Fram komst loks á blað í N1-deild karla í handbolta í kvöld þegar liðið vann 33-24 sigur gegn HK. Þetta var fyrsti sigur Fram í deildinni í vetur en jafnframt fyrsta tap HK.

Leikurinn var í járnum framan af fyrri hálfleiknum en eftir það náði Fram ágætum tökum á leiknum. Fram var að spila fína vörn og fékk í kjölfarið auðveld mörk úr hraðaupphlaupum þar sem hornamaðurinn Stefán Baldvin Stefánsson fór mikinn en hann skoraði úr öllum sjö skotum sínum í fyrri hálfleiknum.

Staðan var 17-13 Fram í vil í hálfleik og HK-ingar átti erfitt uppdráttar.

HK virtist vera að vinna sig inn í leikinn í síðari hálfleik en þá seig Fram framúr á nýjan leik. Munaði þar mestu um að skytturnar Magnús Stefánsson og Andri Berg Haraldsson fengu sjálfstraust til þess að taka af skarið.

HK var samt enn inni í leiknum þegar tíu mínútur lifðu leiks og staðan var 27-22. Þá fengu tvær Framarar tveggja mínútna brottvísun með skömmu millibili en HK-ingar náðu ekki að nýta sér liðsmuninn nægilega vel og hreinlega gáfust upp.

Fram keyrði yfir HK á lokakafla leiksins og lokatölur sem segir 33-24.

Tölfræðin:

Fram-HK 33-24 (17-13)

Mörk Fram (skot): Stefán Baldvin Stefánsson 7 (9), Magnús Stefánsson 6 (12), Andri Berg Haraldsson 6 (14), Einar Rafn Eiðsson 5/2 (7/3), Hákon Stefánsson 4 (5), Arnar Birkir Hálfdánsson 3/1 (4/1), Haraldur Þorvarðarson 1 (2), Matthías Daðason 0 (1), Halldór Jóhann Sigfússon 0 (4/1)

Varin skot: Magnús Gunnar Erlendsson 21/2 (22/2, 49%), Zoltan Majeri 0 (1/1, 0%), Sigurður Örn Arnarson 0 (1/1, 0%).

Hraðaupphlaup: 11 (Stefán Baldvin 6, Arnar Birkir 2, Haraldur, Magnús, Einar Rafn)

Fiskuð víti: 5 (Haraldur 2, Hákon 2, Magnús)

Utan vallar: 12 mínútur

Mörk HK (skot): Valdimar Fannar Þórsson 7/4 (14/6), Sverrir Hermannsson 6 (13), Ólafur Víðir Ólafsson 4 (4), Atli Ævarsson 3 (5), Ragnar Hjaltested 2 (7), Hákon Bridde 1 (1), Vilhelm Gauti Bergsveinsson 1 (1), Jón Björgvin Pétursson 0 (1)

Varin skot: Sveinbjörn Pétursson 10 (23/2, 30%), Lárus Helgi Ólafsson 3/1 (10/1, 23%)

Hraðaupphlaup: 2 (Ragnar, Atli)

Fiskuð víti: 6 (Ólafur Víðir 3, Atli 2, Ragnar)

Utan vallar: 4 mínútur