Jafnt á Akureyri

Akureyri og Haukar skildu jöfn í fyrri leik kvöldsins í N1 deild karla í handbolta í kvöld. Heimamenn voru skrefinu á undan lengst af en Haukarnir tryggðu sér jafntefli 27-27 með því að skora tvö síðustu mörk leiksins á lokamínútunum.

Goran Gusic var markahæstur hjá heimamönnum með 7 mörk en maður leiksins var Sveinbjörn Pétursson í marki norðanmanna og varði hann 22 skot í leiknum.

Gunnar Berg Viktorsson var markahæstur hjá Haukum með 8 mörk en Gísli Guðmundsson varði líka vel í marki Hauka.