Matseðillinn til reiðu 28. nóvember 2008 06:00 „Við systkinin fengum þessa hugmynd í sumarfríinu áður en kreppan skall á af fullum þunga,“ segir Valgarð Sörensen en hann og systir hans, Linda Sörensen, eru að fara af stað með fyrirtæki sem útbýr þrenns konar heimilismatseðla sem fólk getur nálgast við inngang stærri matvöruverslana. „Þá erum við hlutlaus aðili innan verslana með þjónustu fyrir viðskiptavini þar sem við hönnum innkaupalista með uppskriftum að heimilismat fyrir venjulegt fólk,“ útskýrir Valgarð og nefnir að þau systkinin eigi bæði stórar fjölskyldur og þekki því af eigin raun hversu þægilegt er að hafa matseðilinn tilbúinn. „Flestir þekkja það að standa í búðinni og velta fyrir sér hvað eigi nú að kaupa í matinn og reyna að muna hvaða hráefni eru í uppskriftunum. Þá er mjög gott að hafa matseðilinn tilbúinn og einfaldan.“ Nýr matseðill verður gefinn út í hverri viku og útlitið breytist alltaf á heimilismatseðlinum þannig fólk sjái að það sé kominn nýr en hinir tveir breytast ekki í útliti. „Við erum í raun með þrenns konar seðla í hverri viku sem eru heimilisseðill, heilsuseðill og íslenskur seðill. Margrét Sigfúsdóttir, skólastjóri Hússtjórnarskólans, hefur yfirumsjón með matseðlunum og gefur góð ráð. Hins vegar halda Ívar Guðmundsson og Arnar Grant utan um heilsuseðlana og koma með heilsuuppskriftir frá sér. Íslenski matseðillinn er síðan dæmigerð íslensk matreiðsla sem ungt fólk í dag var alið upp við og er hann í ódýrari kantinum,“ segir Valgarð áhugasamur. Á heimasíðunni matsedillinn.is safnast útgefnir seðlar inn og þar verður Margrét Sigfúsdóttir með einföld ráð í matreiðslu. Fyrstu heimilismatseðlunum verður hleypt af stokkunum á næstu dögum en matseðlarnir taka mið af því sem er að gerast í samfélaginu hverju sinni. „Í jólavikunni miðast matseðlarnir til dæmis við hátíðina,“ útskýrir Valgarð spenntur. hrefna@frettabladid.is Systkinin Valgarð og Linda Sörensen hafa hrundið af stað sniðugu verkefni þar sem þau útbúa heimilismatseðla með innkaupalistum og uppskriftum sem verða til taks í matvöruverslunum. fréttablaðið/GVA Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Glæsibústaðir yfir hundrað milljónum Lífið Hleypur 110 kílómetra á dag til að setja heimsmet Lífið Balta bregst bogalistin Gagnrýni Glæsihöll Livar og Sverris á Arnarnesi til sölu Lífið Nýupptekið grænmeti á Flúðum í dag og opnar garðyrkjustöðvar Lífið Gamla TR-húsinu umbreytt í Hlemm.haus: „Augljóst að þörfin var gríðarleg“ Menning
„Við systkinin fengum þessa hugmynd í sumarfríinu áður en kreppan skall á af fullum þunga,“ segir Valgarð Sörensen en hann og systir hans, Linda Sörensen, eru að fara af stað með fyrirtæki sem útbýr þrenns konar heimilismatseðla sem fólk getur nálgast við inngang stærri matvöruverslana. „Þá erum við hlutlaus aðili innan verslana með þjónustu fyrir viðskiptavini þar sem við hönnum innkaupalista með uppskriftum að heimilismat fyrir venjulegt fólk,“ útskýrir Valgarð og nefnir að þau systkinin eigi bæði stórar fjölskyldur og þekki því af eigin raun hversu þægilegt er að hafa matseðilinn tilbúinn. „Flestir þekkja það að standa í búðinni og velta fyrir sér hvað eigi nú að kaupa í matinn og reyna að muna hvaða hráefni eru í uppskriftunum. Þá er mjög gott að hafa matseðilinn tilbúinn og einfaldan.“ Nýr matseðill verður gefinn út í hverri viku og útlitið breytist alltaf á heimilismatseðlinum þannig fólk sjái að það sé kominn nýr en hinir tveir breytast ekki í útliti. „Við erum í raun með þrenns konar seðla í hverri viku sem eru heimilisseðill, heilsuseðill og íslenskur seðill. Margrét Sigfúsdóttir, skólastjóri Hússtjórnarskólans, hefur yfirumsjón með matseðlunum og gefur góð ráð. Hins vegar halda Ívar Guðmundsson og Arnar Grant utan um heilsuseðlana og koma með heilsuuppskriftir frá sér. Íslenski matseðillinn er síðan dæmigerð íslensk matreiðsla sem ungt fólk í dag var alið upp við og er hann í ódýrari kantinum,“ segir Valgarð áhugasamur. Á heimasíðunni matsedillinn.is safnast útgefnir seðlar inn og þar verður Margrét Sigfúsdóttir með einföld ráð í matreiðslu. Fyrstu heimilismatseðlunum verður hleypt af stokkunum á næstu dögum en matseðlarnir taka mið af því sem er að gerast í samfélaginu hverju sinni. „Í jólavikunni miðast matseðlarnir til dæmis við hátíðina,“ útskýrir Valgarð spenntur. hrefna@frettabladid.is Systkinin Valgarð og Linda Sörensen hafa hrundið af stað sniðugu verkefni þar sem þau útbúa heimilismatseðla með innkaupalistum og uppskriftum sem verða til taks í matvöruverslunum. fréttablaðið/GVA
Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Glæsibústaðir yfir hundrað milljónum Lífið Hleypur 110 kílómetra á dag til að setja heimsmet Lífið Balta bregst bogalistin Gagnrýni Glæsihöll Livar og Sverris á Arnarnesi til sölu Lífið Nýupptekið grænmeti á Flúðum í dag og opnar garðyrkjustöðvar Lífið Gamla TR-húsinu umbreytt í Hlemm.haus: „Augljóst að þörfin var gríðarleg“ Menning