Sony hættir sölu á 20 GB Playstation 3

Japanski hátækniframleiðandinn Sony ætlar að hætta að flytja inn og selja ódýrari gerðir PlayStation 3 leikjatölvunnar í Bandaríkjunum. Ástæðan er sú að neytendur hafa meiri áhuga á dýrari gerðum sem eru með stærri harðan disk og meiri aukabúnað.

Nýju leikjatölvurnar frá Sony komu á markað í Bandaríkjunum og Japan í nóvember í fyrra en undir lok mars í Evrópu. Þær eru af nokkrum gerðum. Sú minnsta er með 20 GB harðan disk en sú stærsta og dýrari er með þrisvar sinnum stærri disk auk ýmis konar aukabúnaðar.

Að sögn Daves Kakkaker, talsmanns Sony í Bandaríkjunum, eru dýrari gerðir leikjatölvunnar miklu vinsælli og hafi því verið afráðið að hætta að selja  ódýrari og einfaldari gerða leikjatölvunnar. Muni fyrirtækið beina sjónum sínum enn frekar að stærri gerð leikjatölvunnar.

Að sögn Karraker eru þúsundir ódýrari leikjatölvunnar enn til í hllum verslana í Bandaríkjunum. Verða ekki fluttar inn nýjar tölvur af þessari gerð PS3 leikjatölvunnar þegar þær seljast upp.