Kemur á markað í september

„Við höfum fengið mikil og jákvæð viðbrögð,“ segir Guðrún Eiríksdóttir tölvunarfræðingur sem rætt var við í Fréttablaðinu á miðvikudag. Guðrún hannaði tölvuleik fyrir heyrnarskert börn ásamt vinkonu sinni en leiknum er ætlað að örva málþroska.

Margir hafa haft samband við Fréttablaðið og spurt hvar leikurinn fáist. Guðrún segir að leikurinn sé ekki kominn í almenna sölu en hann sé væntanlegur á markað í september.

„Þeir sem vilja fá leikinn strax geta keypt leikskólaútgáfuna en hún er aðeins dýrari en útgáfan sem kemur í haust,“ segir Guðrún. Hægt er að skoða leikinn á síðunni www.tumifun.com.