Ein milljón eintaka seld

Rúmlega ein milljón eintaka af Playstation 3-leikjatölvunni hefur selst í Evrópu og Ástralíu. Milljónasta eintakið seldist eftir níu og hálfa viku, sem er betri árangur en Sony náði með fyrstu tveimur Playstation-tölvunun. Þrátt fyrir að Playstation 3 hafi komið út í Japan í nóvember á síðasta ári hefur leikjatölvan næstum því selst í milljónum eintaka á því svæði. Í Norður-Ameríku hefur tölvan selst í yfir 1,3 milljónum eintaka. Leikurinn Resistance: Fall of Man hefur selst í 600 þúsund eintökum í Evrópu og Motorstorm í yfir hálfri milljón.