Sóló í haust

Fyrsta sólóplata Serj Tankian, söngvara System of a Down, kemur út í haust og nefnist hún Elect the Dead. Aðrir meðlimir System eru einnig að starfa sitt í hverju horni.

Tankian segist ekki viss um hvort eða þá hvenær hljómsveitin komi saman á nýjan leik. „Þegar við erum allir tilbúnir til að snúa aftur og taka frá tíma til þess þá gerum við það, ef og þegar við höfum áhuga,“ sagði Tankian. Shavo Odadjian, bassaleikari System, er að taka upp plötu með Wu Tang Clan og gítarleikarinn Daron Malakian er byrjaður í hljómsveitinni Scars on Broadway.