Kúlan fyrir yngsta aldurshópinn 4. nóvember 2006 14:30 Brúðumeistarinn Bernd Ogrodnik. Sýningin Ljóð á hreyfingu vakti mikla hrifningu fyrr á árinu en hún var frumsýnd í vor. mynd/þjóðleikhúsið Þjóðleikhúsið opnar nýtt leikrými í dag svonefnda Kúlu, sem er helgað ungum áhorfendum og nýrri leikhúsreynslu. Kúlan er þar sem áður var Litla svið Þjóðleikhússins. Eitt af hlutverkum Þjóðleikhússins er að stuðla að leikhúsuppeldi barna. Lengi hefur skort stað í húsinu sem helgaður væri börnum, þótt barnasýningar hafi frá upphafi verið stór hluti af verkefnaskrá hússins. Þá hefur leikhúsinu ekki verið fært að halda úti virkum leikferðum í skóla nema einstaka ár. Það er því mikilvægur áfangi í rekstri hússins þegar þar er komið svið sem helgað er börnum. Í tilkynningu frá Þjóðleikhúsi segir svo: „Kúlunni er ætlað að vera tilraunasvið helgað leiklistaruppeldi. Þar mun leikhúsið kynna ungum áhorfendum leikhúsið með smábarnasýningum og smærri barna- og unglingasýningum. Í Kúlunni munu einnig áhorfendur á öllum aldri geta öðlast nýja leikhúsreynslu, og meðal annars kynnst leikhúsinu á nýjan hátt í gegnum brúðuleiksýningar af ýmsu tagi. Kúlan er í sama húsi og sýningarrýmið Kassinn, í Íþróttahúsi Jóns Þorsteinssonar við Lindargötu 7. Kassinn og Kúlan eru hvort um sig vettvangur tilrauna á sviði leiklistar, þar sem bæði leikhúsfólk og áhorfendur nálgast leikhúsið á nýjan hátt. Vígslusýning Kúlunnar verður Umbreyting – Ljóð á hreyfingu, brúðuleiksýning Bernds Ogrodnik sem er einkum ætluð fullorðnum. Umbreyting var frumsýnd á Listahátíð í Reykjavík á liðnu vori. Gullfalleg sýning samsett úr fjölda fínstilltra atriða og leiðir vel í ljós hvílík tök Ogrodnik hefur á list sinni. Eftir áramót verður sýning fyrir yngstu áhorfendurna í Kúlunni, brúðusýning Bernds um Pétur og úlfinn. Sýningin er byggð á samnefndri sögu og tónverki Sergeis Prokofiefs, sem tónskáldið samdi í þeim tilgangi að kenna börnum að skilja og njóta tónlistar. Í sýningunni birtist okkur þetta óviðjafnanlega ævintýri myndrænt með aðstoð handútskorinna leikbrúða sem Bernd stjórnar af sinni alkunnu snilld. Menning Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Býður Taylor barn Lífið Björk byrjar kvöldið og Blawan tekur svo við Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Símtal á lágpunkti úti í London breytti öllu Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Þjóðleikhúsið opnar nýtt leikrými í dag svonefnda Kúlu, sem er helgað ungum áhorfendum og nýrri leikhúsreynslu. Kúlan er þar sem áður var Litla svið Þjóðleikhússins. Eitt af hlutverkum Þjóðleikhússins er að stuðla að leikhúsuppeldi barna. Lengi hefur skort stað í húsinu sem helgaður væri börnum, þótt barnasýningar hafi frá upphafi verið stór hluti af verkefnaskrá hússins. Þá hefur leikhúsinu ekki verið fært að halda úti virkum leikferðum í skóla nema einstaka ár. Það er því mikilvægur áfangi í rekstri hússins þegar þar er komið svið sem helgað er börnum. Í tilkynningu frá Þjóðleikhúsi segir svo: „Kúlunni er ætlað að vera tilraunasvið helgað leiklistaruppeldi. Þar mun leikhúsið kynna ungum áhorfendum leikhúsið með smábarnasýningum og smærri barna- og unglingasýningum. Í Kúlunni munu einnig áhorfendur á öllum aldri geta öðlast nýja leikhúsreynslu, og meðal annars kynnst leikhúsinu á nýjan hátt í gegnum brúðuleiksýningar af ýmsu tagi. Kúlan er í sama húsi og sýningarrýmið Kassinn, í Íþróttahúsi Jóns Þorsteinssonar við Lindargötu 7. Kassinn og Kúlan eru hvort um sig vettvangur tilrauna á sviði leiklistar, þar sem bæði leikhúsfólk og áhorfendur nálgast leikhúsið á nýjan hátt. Vígslusýning Kúlunnar verður Umbreyting – Ljóð á hreyfingu, brúðuleiksýning Bernds Ogrodnik sem er einkum ætluð fullorðnum. Umbreyting var frumsýnd á Listahátíð í Reykjavík á liðnu vori. Gullfalleg sýning samsett úr fjölda fínstilltra atriða og leiðir vel í ljós hvílík tök Ogrodnik hefur á list sinni. Eftir áramót verður sýning fyrir yngstu áhorfendurna í Kúlunni, brúðusýning Bernds um Pétur og úlfinn. Sýningin er byggð á samnefndri sögu og tónverki Sergeis Prokofiefs, sem tónskáldið samdi í þeim tilgangi að kenna börnum að skilja og njóta tónlistar. Í sýningunni birtist okkur þetta óviðjafnanlega ævintýri myndrænt með aðstoð handútskorinna leikbrúða sem Bernd stjórnar af sinni alkunnu snilld.
Menning Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Býður Taylor barn Lífið Björk byrjar kvöldið og Blawan tekur svo við Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Símtal á lágpunkti úti í London breytti öllu Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira