Dýnamískur kraftur Freyr Bjarnason skrifar 2. júní 2006 10:30 Kvennatríóið Sleater-Kinney heldur tónleika á Nasa á sunnudaginn. Bandaríska kvennatríóið Sleater-Kinney heldur tónleika á Nasa á sunnudaginn. Sveitin hefur verið á ferð um Evrópu og haldið tónleika fyrir fullu húsi hvar sem hún hefur komið. Freyr Bjarnason ræddi við Corin Tucker, annan gítarleikara og söngvara sveitarinnar, og trommuleikarann Janet Weiss. Auk Corin og Janet er Sleater-Kinney skipuð Carrie Brownstein sem sér um gítarleik og söng rétt eins og Corin. Hljómsveitin hefur síðastliðin tíu ár heillað tónlistaráhugamenn út um allan heim. Þær eru ferskar og hráar frá norðvesturströnd Bandaríkjanna, nánar tiltekið frá Portland í Oregon-fylki. Alla tíð hefur sveitin haldið tryggð við indí-rætur sínar og er afar virt í þeim tónlistargeira. Gifti sig á ÍslandiCorin hlakkar mikið til tónleikanna á Íslandi. Reykjavík hefur orð á sér fyrir að sjá fólki fyrir miklu stuði, segir hún og reiknar með því að kíkja á frægt næturlíf borgarinnar. Janet er einnig mjög spennt. Ég hef aldrei komið til Íslands og aðeins heyrt sögur af landinu. Corin gifti sig aftur á móti þar, segir hún. Upphitun fyrir Pearl JamAlls hefur Sleater-Kinney gefið út sjö plötur og hlaut sú nýjasta, The Woods, einróma lof gagnrýnenda og var ofarlega á listum yfir bestu plötur síðasta árs. Var platan gefin út af Sub Pop-plötufyrirtækinu sem er frægt fyrir að hafa gefið út fyrstu plötu Nirvana, Bleach. Tónlist sveitarinnar er einföld, tveir gítarar, raddir og trommur og þykir sveitin einkar skemmtileg á tónleikum. Hitaði hún upp fyrir Pearl Jam á tónleikaferð hennar um Kanada á síðasta ári, sem að sjálfsögðu þykir mikill heiður í rokkbransanum. Tónleikaferð Sleater-Kinney um Evrópu hefur gengið vel að sögn Janet. Það er reyndar erfitt að vera að heiman þegar veðrið er orðið svona gott þar en tónleikarnir í Bretlandi voru sérstaklega skemmtilegir. Áhorfendurnir þar voru mjög æstir og áhugasamir, segir hún. Þrífast á orku áhorfendaCorin segir að tónleikar Sleater-Kinney séu dýnamískir og að þá sé krafturinn í fyrirrúmi. Janet bætir því við að uppi á sviði sé hljómsveitin eins nálægt sínu eðli og hugsast getur. Við höfum mikla ástríðu gagnvart tónlistinni okkar og þrífumst á ákefð og orku áhorfendanna. Það sem við gefum af okkur og fáum síðan til baka úr salnum skiptir öllu máli á tónleikum, segir hún. Við erum síbreytilegar og ófeimnar við að prófa nýja hluti þegar okkur gengur vel. Í verslunarmiðstöð á ÍtalíuHvað varðar undarlegustu tónleika sveitarinnar nefnir Corin tónleika á Ítalíu fyrir nokkrum árum. Við spiluðum einu sinni í verslunarmiðstöð á Ítalíu. Þetta var um kvöld og mömmur voru að ýta börnunum sínum áfram í kerrum framhjá búðunum á meðan við spiluðum, segir hún og minnist tónleikanna greinilega með hryllingi. Janet man vel eftir tónleikum sem sveitin hélt í Denver. Við töpuðum veðmáli við vini okkar í upphitunarbandinu The Gossip og spiluðum tónleikana með andlitsmálningu á okkur. Það var dálítið erfitt fyrir okkur að taka hverja aðra alvarlega á þeim tímapunkti. Sleater-Kinney er kvennatríó en þrátt fyrir það þvertekur Corin fyrir að hafa eitthvað á móti strákum. Ef við værum strákahljómsveit, myndir þú spyrja okkur hvort við hefðum eitthvað á móti stelpum? Ég efa það. Janet er sama sinnis: Þú hlýtur að vera að grínast með þessari spurningu?, spyr hún og hefur að sjálfsögðu rétt fyrir sér. Martsch og Mozart í uppáhaldiEftir tónleikana á Íslandi, sem verða þeir síðustu í tónleikaferð sveitarinnar um Evrópu, halda þær stöllur heim á leið til Portland til að njóta sumarsins en þær eru reyndar frá Olympia í Washington. Í ágúst er sveitin síðan bókuð á Lollapalooza-hátíðina í Chicago og verður þar innan um fjölda annarra þekktra sveita, þar á meðal Red Hot Chili Peppers, Queens of the Stone Age og Sonic Youth, en Sleater-Kinney hefur m.a. verið líkt við síðastnefndu sveitina. Einnig spilar á hátíðinni indí-rokksveitin Built To Spill, sem Corin hefur miklar mætur á. Nefnir hún forsprakka sveitarinnar, Doug Martsch, sem einn af uppáhaldstónlistarmönnunum sínum. Janet lítur aftur á móti mest upp til austurríska tónskáldsins Wolfgangs Amadeus Mozart. Miðasala á tónleikana á Nasa, sem hefjast klukkan 21.00, fer fram á midi.is og í verslunum Skífunnar og BT. Miðaverð er 2500 krónur auk miðagjalds. Hljómsveitirnar Skakkamanage og Jakobínarína sjá um upphitun. Menning Tónlist Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Fleiri fréttir Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Sjá meira
Bandaríska kvennatríóið Sleater-Kinney heldur tónleika á Nasa á sunnudaginn. Sveitin hefur verið á ferð um Evrópu og haldið tónleika fyrir fullu húsi hvar sem hún hefur komið. Freyr Bjarnason ræddi við Corin Tucker, annan gítarleikara og söngvara sveitarinnar, og trommuleikarann Janet Weiss. Auk Corin og Janet er Sleater-Kinney skipuð Carrie Brownstein sem sér um gítarleik og söng rétt eins og Corin. Hljómsveitin hefur síðastliðin tíu ár heillað tónlistaráhugamenn út um allan heim. Þær eru ferskar og hráar frá norðvesturströnd Bandaríkjanna, nánar tiltekið frá Portland í Oregon-fylki. Alla tíð hefur sveitin haldið tryggð við indí-rætur sínar og er afar virt í þeim tónlistargeira. Gifti sig á ÍslandiCorin hlakkar mikið til tónleikanna á Íslandi. Reykjavík hefur orð á sér fyrir að sjá fólki fyrir miklu stuði, segir hún og reiknar með því að kíkja á frægt næturlíf borgarinnar. Janet er einnig mjög spennt. Ég hef aldrei komið til Íslands og aðeins heyrt sögur af landinu. Corin gifti sig aftur á móti þar, segir hún. Upphitun fyrir Pearl JamAlls hefur Sleater-Kinney gefið út sjö plötur og hlaut sú nýjasta, The Woods, einróma lof gagnrýnenda og var ofarlega á listum yfir bestu plötur síðasta árs. Var platan gefin út af Sub Pop-plötufyrirtækinu sem er frægt fyrir að hafa gefið út fyrstu plötu Nirvana, Bleach. Tónlist sveitarinnar er einföld, tveir gítarar, raddir og trommur og þykir sveitin einkar skemmtileg á tónleikum. Hitaði hún upp fyrir Pearl Jam á tónleikaferð hennar um Kanada á síðasta ári, sem að sjálfsögðu þykir mikill heiður í rokkbransanum. Tónleikaferð Sleater-Kinney um Evrópu hefur gengið vel að sögn Janet. Það er reyndar erfitt að vera að heiman þegar veðrið er orðið svona gott þar en tónleikarnir í Bretlandi voru sérstaklega skemmtilegir. Áhorfendurnir þar voru mjög æstir og áhugasamir, segir hún. Þrífast á orku áhorfendaCorin segir að tónleikar Sleater-Kinney séu dýnamískir og að þá sé krafturinn í fyrirrúmi. Janet bætir því við að uppi á sviði sé hljómsveitin eins nálægt sínu eðli og hugsast getur. Við höfum mikla ástríðu gagnvart tónlistinni okkar og þrífumst á ákefð og orku áhorfendanna. Það sem við gefum af okkur og fáum síðan til baka úr salnum skiptir öllu máli á tónleikum, segir hún. Við erum síbreytilegar og ófeimnar við að prófa nýja hluti þegar okkur gengur vel. Í verslunarmiðstöð á ÍtalíuHvað varðar undarlegustu tónleika sveitarinnar nefnir Corin tónleika á Ítalíu fyrir nokkrum árum. Við spiluðum einu sinni í verslunarmiðstöð á Ítalíu. Þetta var um kvöld og mömmur voru að ýta börnunum sínum áfram í kerrum framhjá búðunum á meðan við spiluðum, segir hún og minnist tónleikanna greinilega með hryllingi. Janet man vel eftir tónleikum sem sveitin hélt í Denver. Við töpuðum veðmáli við vini okkar í upphitunarbandinu The Gossip og spiluðum tónleikana með andlitsmálningu á okkur. Það var dálítið erfitt fyrir okkur að taka hverja aðra alvarlega á þeim tímapunkti. Sleater-Kinney er kvennatríó en þrátt fyrir það þvertekur Corin fyrir að hafa eitthvað á móti strákum. Ef við værum strákahljómsveit, myndir þú spyrja okkur hvort við hefðum eitthvað á móti stelpum? Ég efa það. Janet er sama sinnis: Þú hlýtur að vera að grínast með þessari spurningu?, spyr hún og hefur að sjálfsögðu rétt fyrir sér. Martsch og Mozart í uppáhaldiEftir tónleikana á Íslandi, sem verða þeir síðustu í tónleikaferð sveitarinnar um Evrópu, halda þær stöllur heim á leið til Portland til að njóta sumarsins en þær eru reyndar frá Olympia í Washington. Í ágúst er sveitin síðan bókuð á Lollapalooza-hátíðina í Chicago og verður þar innan um fjölda annarra þekktra sveita, þar á meðal Red Hot Chili Peppers, Queens of the Stone Age og Sonic Youth, en Sleater-Kinney hefur m.a. verið líkt við síðastnefndu sveitina. Einnig spilar á hátíðinni indí-rokksveitin Built To Spill, sem Corin hefur miklar mætur á. Nefnir hún forsprakka sveitarinnar, Doug Martsch, sem einn af uppáhaldstónlistarmönnunum sínum. Janet lítur aftur á móti mest upp til austurríska tónskáldsins Wolfgangs Amadeus Mozart. Miðasala á tónleikana á Nasa, sem hefjast klukkan 21.00, fer fram á midi.is og í verslunum Skífunnar og BT. Miðaverð er 2500 krónur auk miðagjalds. Hljómsveitirnar Skakkamanage og Jakobínarína sjá um upphitun.
Menning Tónlist Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Fleiri fréttir Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Sjá meira