Gísli Gíslason ráðinn hafnarstjóri

Gísli Gíslason, bæjarstjóri á Akranesi, hefur verið ráðinn í starf hafnarstjóra Faxaflóahafna frá og með 1. nóvember næstkomandi. Faxaflóahafnir eiga og reka Reykjavíkurhöfn, Grundartangahöfn, Akraneshöfn og Borgarneshöfn. Bergur Þorleifsson, sem gegnt hefur starfi hafnarstjóra frá ágúst 2003 og áður starfi fjármálastjóra hafnarinnar, mun láta af starfi hafnarstjóra en sinna margvíslegum ráðgjafarstörfum fyrir hið sameinaða hafnarfyrirtæki, eftir því sem fram kemur í tilkynningu frá Faxaflóahöfnum.