"Í sandölum og ermalausum bol"

Að vera í sandölum og ermalausum bol á svona dögum er algjörlega málið. Láta sólina og hitann leika um kroppinn og njóta þess að fletta af sér flíkunum. Hvort sem maður er að spóka sig í bænum með ís í einni og bjór í hinni, sóla sig í Nauthólsvíkinni, eða bara hvar sem er, þá eru það sandalar og ermalaus bolur sem ganga alltaf alls staðar á bongóblíðviðrisdögum. Nóg er til af sandölum og litlum bolum um allan bæ, oft á frábæru verði svo það ætti að vera á hvers manns færi að nálgast þessa mest ómissandi hluti. sumarsins.