Ánægður með ungu strákanna

„Ég hefði auðvitað viljað sex stig út úr þessum tveimur leikjum núna og það var sárt að tapa fyrir Ungverjunum, en í dag er ég gríðarlega ánægður með þessa ungu stráka sem eru að koma inn í dag og berjast um hvern einasta bolta og gefa ekkert eftir. Ég vona að þetta sé til marks um bjarta framtíð hjá landsliðinu og ég er viss um að við getum byggt á þessu fyrir leikina í haust," sagði Eggert Magnússon, formaður KSÍ eftir fyrsta sigur íslenska landsliðsins í undankeppni HM 2006.