Afríkutilbrigði við íslenskt lamb 6. maí 2005 00:01 Anna Þóra lærði kvikmyndagerð í Finnlandi og annað af lokaverkefnum hennar var að gera hemildarmynd í Sambíu. Þar fékk hún bílstjóra og aðstoðarmann sem reyndist hinn mesti sjarmör og er nú eiginmaður hennar. Hún og Harry hafa verið gift í átta ár og eru búsett á Íslandi með dætur sínar tvær, Ernu Kanema, sjö ára, og Auði Makaya, 2 ára. Harry er annálaður meistarakokkur og eldar íslenskan mat undir afrískum áhrifum. "Þetta hefur nú bara þróast smám saman," segir Anna Þóra, sem lifði eins og stúdenta er siður á súpum og samlokum á námsárunum í Finnlandi. "Ég er vön reglulegum matmálstímum úr æsku og þegar ég stofnaði sjálf fjölskyldu breyttist ég strax í svona "matur klukkan-sjö"-manneskju. Mér finnst mjög mikilvægt að fjölskyldan sameinist við kvöldverðarborðið." Harry hefur alltaf haft sérstaklega gaman af að bjóða upp á afríska rétti, eins og til dæmis þjóðarrétt Sambíu, nshima. "Nshima er notað í staðinn fyrir kartöflur eða hrísgrjón og er búið til úr maísmjöli," útskýrir Anna Þóra "Það er líka stemmning að borða nshima því það er borðað með höndunum. Maður hnoðar litlar kúlur og dýfir í sósu og svo verður að vera vatn í skál á borðinu til að skola hendurnar. Stelpurnar kunna vel að meta þetta, en Erna fékk að kynnast sambískum mat af eigin raun þegar hún fór þangað árið 2001. Þá gerðum við heimildarmynd um það þegar hún hittir fjölskyldu sína þar í fyrsta sinn, en myndin er ætluð ungum áhorfendum og heitir Erna á frænku í Afríku Nýlega gáfum við myndina út á DVD, bæði á ensku og íslensku, og hún er fáanleg hjá okkur. En vendipunkturinn í matargerðinni var þó trúlega þegar Harry fékk afríska matreiðslubók í afmælisgjöf fyrir nokkrum árum og fór að prófa sig áfram með alls konar rétti." Anna Þóra segir að hráefni sé aldrei vandamál. "Flest sem ekki fæst í venjulegum verslunum fæst í Sælkerabúðinni og Philippean Store á Hverfisgötunni." Harry vinnur hjá Pottagöldrum og líkar vel á Íslandi. "Það tók mig um ár að venjast kuldanum, en ég er bara duglegur að nota húfu, trefil og vettlinga," segir hann hlæjandi og á góðri íslensku. "Mikilvægast er að komast inn í málið og blanda geði við fólk." Matur Mest lesið Umfjöllunin um kynjaveisluna fór fyrir brjóstið á Birgittu Lífið Fiskikóngurinn fékk golfkúlu í hausinn Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun Laug til um hakkara en bar sjálfur ábyrgð á unaðsstunum Lífið „Mig langaði að eiga vini og verða vinsæll“ Lífið Íbúð við Laugaveg sem áður var bíósalur Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið
Anna Þóra lærði kvikmyndagerð í Finnlandi og annað af lokaverkefnum hennar var að gera hemildarmynd í Sambíu. Þar fékk hún bílstjóra og aðstoðarmann sem reyndist hinn mesti sjarmör og er nú eiginmaður hennar. Hún og Harry hafa verið gift í átta ár og eru búsett á Íslandi með dætur sínar tvær, Ernu Kanema, sjö ára, og Auði Makaya, 2 ára. Harry er annálaður meistarakokkur og eldar íslenskan mat undir afrískum áhrifum. "Þetta hefur nú bara þróast smám saman," segir Anna Þóra, sem lifði eins og stúdenta er siður á súpum og samlokum á námsárunum í Finnlandi. "Ég er vön reglulegum matmálstímum úr æsku og þegar ég stofnaði sjálf fjölskyldu breyttist ég strax í svona "matur klukkan-sjö"-manneskju. Mér finnst mjög mikilvægt að fjölskyldan sameinist við kvöldverðarborðið." Harry hefur alltaf haft sérstaklega gaman af að bjóða upp á afríska rétti, eins og til dæmis þjóðarrétt Sambíu, nshima. "Nshima er notað í staðinn fyrir kartöflur eða hrísgrjón og er búið til úr maísmjöli," útskýrir Anna Þóra "Það er líka stemmning að borða nshima því það er borðað með höndunum. Maður hnoðar litlar kúlur og dýfir í sósu og svo verður að vera vatn í skál á borðinu til að skola hendurnar. Stelpurnar kunna vel að meta þetta, en Erna fékk að kynnast sambískum mat af eigin raun þegar hún fór þangað árið 2001. Þá gerðum við heimildarmynd um það þegar hún hittir fjölskyldu sína þar í fyrsta sinn, en myndin er ætluð ungum áhorfendum og heitir Erna á frænku í Afríku Nýlega gáfum við myndina út á DVD, bæði á ensku og íslensku, og hún er fáanleg hjá okkur. En vendipunkturinn í matargerðinni var þó trúlega þegar Harry fékk afríska matreiðslubók í afmælisgjöf fyrir nokkrum árum og fór að prófa sig áfram með alls konar rétti." Anna Þóra segir að hráefni sé aldrei vandamál. "Flest sem ekki fæst í venjulegum verslunum fæst í Sælkerabúðinni og Philippean Store á Hverfisgötunni." Harry vinnur hjá Pottagöldrum og líkar vel á Íslandi. "Það tók mig um ár að venjast kuldanum, en ég er bara duglegur að nota húfu, trefil og vettlinga," segir hann hlæjandi og á góðri íslensku. "Mikilvægast er að komast inn í málið og blanda geði við fólk."
Matur Mest lesið Umfjöllunin um kynjaveisluna fór fyrir brjóstið á Birgittu Lífið Fiskikóngurinn fékk golfkúlu í hausinn Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun Laug til um hakkara en bar sjálfur ábyrgð á unaðsstunum Lífið „Mig langaði að eiga vini og verða vinsæll“ Lífið Íbúð við Laugaveg sem áður var bíósalur Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið