Jólanámskeið

Tíminn fyrir jól er oft vanmetinn og langflestir eru að gera hlutina á síðustu stundu en tilvalið er að aga sig til verka með því að fara á námskeið og vinna skraut, gjafir, mat og fleira þar löngu fyrir jólin. Mikið úrval er af jólanámskeiðum og getur verið bæði skemmtilegt og gefandi að fara saman með vinum og eyða saman kvöldstund í smá jölaföndur. Námskeið hjá Mími:Konfekt Dagana 23. og 24. nóvember verður námskeið í konfektgerð hjá Mími-símenntun. Halldór Sigurðsson sér um námskeiðið, sem er í formi sýnikennslu og verklegra þátta. Fólk fær tækifæri til að búa til sitt eigið konfekt og taka með heim í fallegum kassa. Jólakransar 24. nóvember verður námskeið í gerð jólakransa hjá Mími-símenntun. Hafdís G. Sigurðardóttir blómaskreytir sér um námskeiðið og mun hver þátttakandi útbúa sinn eigin krans sem ýmist er hægt að hafa á borði, hengja á hurð eða yfir borð. Allt hráefni er innifalið og tekur námskeiðið eina kvöldstund.