Met slegið í hlutafjárútboði Hilton-keðjunnar Óli Kristján Ármannsson skrifar 4. desember 2013 07:00 MIllenium Hilton í New York. Hlutafjárútboð fyrir skráningu Hilton-hótelkeðjunnar í Kauphöllina í New York gæti orðið með þeim stærstu í ár og það stærsta nokkurn tíma í hótelgeiranum. Fréttablaðið/AP Safnast gætu allt að 2,37 milljarðar Bandaríkjadala í fyrirhuguðu hlutafjárútboði vegna skráningar Hilton-hótelkeðjunnar í Kauphöllina í New York, að því er eignarhaldsfélagið Hilton Worldwide Holdings Inc. hefur upplýst. Upphæðin jafngildir 283,5 milljörðum íslenskra króna. Gangi þessar áætlanir eftir verður útboðið eitt af þeim stærstu í ár og líkast til stærsta hlutafjárútboð í hótelgeiranum frá upphafi. Í tilkynningu til kauphallar kemur fram að í boði verði 112,8 milljónir hluta og að búist sé við að verðið verði á milli 18 og 21 Bandaríkjadalur á hlut. Hilton selur um 64,1 milljón hluta og aðrir hluthafar bjóða fram 48,7 milljónir hluta. Sala viðbótarhluta til banka gæti orðið til þess að afrakstur útboðsins næði allt að 2,72 milljörðum dala, eða meira en 325 milljörðum króna. Aðstæður fyrir útboð eru taldar hagfelldar nú, en hótelgeirinn hefur verið að rétta úr kútnum síðustu tvö ár eftir niðursveiflu í kjölfar hruns fjármálakerfisins, auk þess sem aukið líf hefur færst í hlutabréfamarkaði með fjölgun hlutaskráninga. Í Bandaríkjunum hafa um 200 fyrirtæki verið skráð á markað á þessu ári. Nái verð hlutabréfa í útboði Hilton-keðjunnar að fara yfir miðgildi þess verðbils sem búist er við verður útboðið annað eða þriðja stærsta útboð ársins í Bandaríkjunum í ár. Það færi þá yfir útboð Twitter sem safnaði 2,1 milljarði dala (251 milljarði króna) í síðasta mánuði, en yrði undir hlutafjárútboði olíu- og gaslagnafyrirtækisins Plains GP Holdings LP, sem fór í 2,9 milljarða dala (347 milljarða króna) í október. Þegar eru hafnar kynningar á hótelkeðjunni fyrir fjárfesta, en áætlað er að útboðið hefjist eftir lokun markaða 12. þessa mánaðar. Búist er við að kennimerki skráðs félags í Kauphöllinni í New York verði „HLT“. Mest lesið Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur Atvinnumissir: „Ég kunni nú ekki við að spyrja Jón beint“ Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Tupperware lýsir yfir gjaldþroti Viðskipti erlent Þrjár verslanir í Múlunum sektaðar eftir rassíu Neytendastofu Neytendur „Alls konar fólk heyrt í mér um alls konar hluti“ Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Safnast gætu allt að 2,37 milljarðar Bandaríkjadala í fyrirhuguðu hlutafjárútboði vegna skráningar Hilton-hótelkeðjunnar í Kauphöllina í New York, að því er eignarhaldsfélagið Hilton Worldwide Holdings Inc. hefur upplýst. Upphæðin jafngildir 283,5 milljörðum íslenskra króna. Gangi þessar áætlanir eftir verður útboðið eitt af þeim stærstu í ár og líkast til stærsta hlutafjárútboð í hótelgeiranum frá upphafi. Í tilkynningu til kauphallar kemur fram að í boði verði 112,8 milljónir hluta og að búist sé við að verðið verði á milli 18 og 21 Bandaríkjadalur á hlut. Hilton selur um 64,1 milljón hluta og aðrir hluthafar bjóða fram 48,7 milljónir hluta. Sala viðbótarhluta til banka gæti orðið til þess að afrakstur útboðsins næði allt að 2,72 milljörðum dala, eða meira en 325 milljörðum króna. Aðstæður fyrir útboð eru taldar hagfelldar nú, en hótelgeirinn hefur verið að rétta úr kútnum síðustu tvö ár eftir niðursveiflu í kjölfar hruns fjármálakerfisins, auk þess sem aukið líf hefur færst í hlutabréfamarkaði með fjölgun hlutaskráninga. Í Bandaríkjunum hafa um 200 fyrirtæki verið skráð á markað á þessu ári. Nái verð hlutabréfa í útboði Hilton-keðjunnar að fara yfir miðgildi þess verðbils sem búist er við verður útboðið annað eða þriðja stærsta útboð ársins í Bandaríkjunum í ár. Það færi þá yfir útboð Twitter sem safnaði 2,1 milljarði dala (251 milljarði króna) í síðasta mánuði, en yrði undir hlutafjárútboði olíu- og gaslagnafyrirtækisins Plains GP Holdings LP, sem fór í 2,9 milljarða dala (347 milljarða króna) í október. Þegar eru hafnar kynningar á hótelkeðjunni fyrir fjárfesta, en áætlað er að útboðið hefjist eftir lokun markaða 12. þessa mánaðar. Búist er við að kennimerki skráðs félags í Kauphöllinni í New York verði „HLT“.
Mest lesið Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur Atvinnumissir: „Ég kunni nú ekki við að spyrja Jón beint“ Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Tupperware lýsir yfir gjaldþroti Viðskipti erlent Þrjár verslanir í Múlunum sektaðar eftir rassíu Neytendastofu Neytendur „Alls konar fólk heyrt í mér um alls konar hluti“ Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira