Gjaldmiðlastríð blásið af á G-20 fundi

Búið er að blása af gjaldmiðlastríðið sem var í uppsiglingu milli auðugustu þjóða heimsins en stríð þetta ógnaði efnahagslífi heimsins.

Þetta var niðurstaðan á fundi fjármálaráðherra G-20 ríkjanna sem haldinn var í Moskvu um helgina. Í yfirlýsingu sem samþykkt var á fundinum segir að ríkin 20 sem mynda þennan hóp muni ekki grípa til gengisfellinga né nota gengisskráningu til þess að auka samkeppnishæfni sína. Markaðurinn eigi að ráða gengi einstakra mynta.