Handbolti

Elín Klara og Reynir Þór valin best

Óskar Ófeigur Jónsson skrifar
Elín Klara Þorkelsdóttir og Reynir Þór Stefánsson voru valin bestu leikmennirnir í Olís deildunum í handbolta í vetur.
Elín Klara Þorkelsdóttir og Reynir Þór Stefánsson voru valin bestu leikmennirnir í Olís deildunum í handbolta í vetur. Vísir/Hulda Margrét

Haukakonan Elín Klara Þorkelsdóttir og Framarinn Reynir Þór Stefánsson voru kosin bestu leikmenn Olís deildanna í handbolta þegar uppskeruhátíð HSÍ fór fram í dag.

Reynir Þór vann þrefalt því hann var einnig valinn besti sóknarmaðurinn og fékk Valdimarsbikarinn sem mikilvægasti leikmaður deildarinnar að mati þjálfara.

Leikmenn kusu sjálfir bestu leikmennina. Valskonan Þórey Anna Ásgeirsdóttir fékk Sigríðarbikarinn sem mikilvægasti leikmaður Olís deildar kvenna að mati þjálfara.

Efnilegustu leikmenn deildarinnar voru valin Alfa Brá Oddsdóttir Hagalín hjá Fram og Garðar Ingi Sindrason hjá FH. Ágúst Þór Jóhannsson hjá kvennaliði Vals og Einar Jónsson hjá karlaliði Fram voru valdir bestu þjálfararnir.

Valskonur áttu besta sóknarmanninn í Elín Rósa Magnúsdóttir og besta markvörðinn í Hafdísi Renötudóttur. Framarinn Steinunn Björnsdóttir var kosin besti varnarmaðurinn.

FH átti besta varnarmanninn í Ágústi Birgissyni og Afturelding átti besta markvörðinn sem var valinn Einar Baldvin Baldvinsson.

Olís-deild karla Olís-deild kvenna

Mest lesið


Fleiri fréttir

Sjá meira


×

Mest lesið