Enski boltinn

Höfnuðu til­boði Fulham í McTominay

Ingvi Þór Sæmundsson skrifar
Scott McTominay er mættur til æfinga hjá Manchester United.
Scott McTominay er mættur til æfinga hjá Manchester United. getty/Ash Donelon

Manchester United hafnaði tilboði Fulham í skoska miðjumanninn Scott McTominay.

Samningur McTominays við United rennur út eftir ár en félagið getur þó framlengt samninginn um tólf mánuði.

Fulham sá sér því leik á borði og gerði tilboð í McTominay. Enskir fjölmiðlar greina frá því að tilboðið hafi verið undir þrjátíu milljónum punda.

Galatasaray í Tyrklandi hefur einnig áhuga á McTominay sem hefur leikið með United allan sinn feril.

Á síðasta tímabili skoraði Skotinn tíu mörk fyrir United í 43 leikjum í öllum keppnum.

McTominay lék alla leiki Skotlands á EM. Skoska liðið komst ekki upp úr sínum riðli.

Enski boltinn

Mest lesið


Fleiri fréttir

Sjá meira


×

Mest lesið