Telur mögulegt að mæðgurnar hafi sett leikþátt á svið Óttar Kolbeinsson Proppé skrifar 11. október 2021 11:20 Jón Baldvin Hannibalsson, er fyrrverandi ráðherra og sendiherra Íslands. vísir/vilhelm Jón Baldvin Hannibalsson, fyrrverandi ráðherra og þingmaður, neitar sök í máli héraðssaksóknara gegn sér þar sem hann er sakaður um að hafa strokið rassi Carmenar Jóhannsdóttur í matarboði á heimili hans á Spáni í júní 2018. Hann telur að Carmen og Laufey Ósk, móðir hennar, hafi mögulega komið í heimsókn til sín gagngert til að setja atvikið á svið og saka hann um kynferðisofbeldi. Þetta kom fram í máli Jóns Baldvins fyrir Héraðsdómi Reykjavíkur í morgun. Þar var Jón spurður hvers vegna hann teldi að mæðgurnar sökuðu hann um athæfið ef ekkert væri til í ásökunum þeirra. Hann velti þá upp tveimur skýringum sem hann taldi mögulegar; annars vegar að þeim hafi ekki verið sjálfrátt vegna ölvunar og hins vegar að málið hafi verið undirbúið af þeim fyrir fram og þær komið í heimsókn til þess að setja atvikið á svið. „Ég átta mig á að einhverjum kunni að þykja það ótrúleg skýring,“ sagði Jón Baldvin um seini kenningu sína áður en hann rak svo nokkrar vísbendingar í málinu sem hann taldi benda þó benda til þessa. Sagðist hafa séð hann káfa á rassi dóttur sinnar Atvikið á að hafa átt sér stað þann 16. júní 2018 á heimili Jóns Baldvins og eiginkonu hans Bryndísar Schram í Grananda á Spáni. Mæðgurnar voru komnar í heimsókn ásamt yngri systur Carmenar yfir helgina en þær eru búsettar annars staðar á Spáni. Að sögn Carmenar og Laufeyjar káfaði Jón Baldvin á rassi hennar utanklæða við borðhaldið þegar Carmen hafði staðið upp til að skenkja víni í glös viðstaddra. Carmen JóhannsdóttirMynd/Raul Baldera Hún hafi síðan sest aftur niður, í áfalli að eigin sögn, en það var þá móðir hennar sem sagði Jóni Baldvini að biðja hana afsökunar. Hann hafi spurt á hverju og hún þá sagt að hún hafi séð hann káfa á rassi dóttur sinnar. Að sögn Jóns Baldvins spratt Laufey á fætur fyrirvaralaust þegar um mínúta var liðin af borðhaldinu og farið fram með ásakanirnar: „Við þetta leystist borðhaldið upp. Við áttum ekki von á þessu. Þetta kom eins og þruma úr heiðskíru lofti,“ sagði Jón. „Ég hélt nú ró minni þrátt fyrir allt, þó ég væri nú furðu lostinn.“ Í beinu framhaldi af fræknu jafntefli gegn Argentínu Hann rak síðan sínar tilgátur um ástæður fyrir ásökunum mæðgnanna. Fyrst nefndi hann það að „Að Laufeyju hafi ekki verið sjálfrátt því þetta er henni ekki líkt.“ Þau hafi öll verið að horfa á frægan landsleik Íslands við Argentínu á heimsmeistaramóti karla í knattspyrnu og þar hafi hann sjálfur fengið sér tvo bjóra en þær mæðgur drukkið sterkt vín. Hann segir að Laufey hafi þá fyrr um daginn sagst ekki mega fá sér bjór því hún væri á sterkum lyfjum. Jón Baldvin, Carmen og fleiri horfðu saman á viðureign Íslands og Argentínu á HM 2018. Þar varði Hannes Þór Halldórsson víti frá Lionel Messi eins og frægt er orðið. Lauk leiknum með sögufrægu jafntefli, 1-1.Vísir/vilhelm „Nú, önnur skýring sem er kannski veigameiri. Af hverju voru þær komnar þarna? Var þetta kannski ekki vinaheimsókn heldur voru þær að koma af ásettu ráði til að setja þetta á svið?“ sagði hann síðan. Carmen færi fyrir Facebook-hópi Hann nefndi þá að lögmaður sinn hefði komist að því að Carmen færi fyrir Facebook-hópi þeirra kvenna sem sökuðu Jón Baldvin um kynferðisofbeldi en samband var á milli þeirra Laufeyjar og dóttur Jóns Baldvins, Aldísar Schram, sem var á þessum tíma tiltölulega nýbúin að stíga fram og saka föður sinn um kynferðisofbeldi gegn sér. Jón Baldvin telur að þarna hafi það gagnast þeim konum að geta vísað í nýrra mál gegn sér en þau sem væru orðin fyrnd. Þá telur hann að mæðgurnar hafi verið grunsamlega fljótar að hverfa brott af heimili þeirra eftir atvikið með allan sinn farangur og hund eins og þær hafi verið búnar að pakka saman dóti sínu fyrir kvöldið. „Allar þessar vísbendingar benda til þess að það er ekki eins fráleitt og maður skildi ætla að þetta hafi verið undirbúið til að fá fram þessa niðurstöðu,“ sagði Jón Baldvin fyrir rétti í dag. Mál Jóns Baldvins Hannibalssonar Dómsmál Kynferðisofbeldi Mest lesið „Stundin sem við höfum óttast er runnin upp“ Erlent Hermenn bauluðu á Biden, Newsom og blaðamenn Erlent Halla flytur hátíðarávarpið í stað Kristrúnar Innlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Aðalmeðferð hafin í máli Sigurðar Fannars Innlent Háhyrningurinn synti rakleiðis í strand Innlent Vinnuslys við Suðurlandsbraut Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Fleiri fréttir Vinnuslys við Suðurlandsbraut Fótboltagláp, ráfandi djammarar og nú fljúgandi nefhjól Stendur í stafni fyrir samevrópska nefnd WHO um lýðheilsu Dagur gáttaður á Viðskiptaráði: „Leigufélögin eru ekki andskotinn sjálfur“ Stórauka þjónustu Strætó í lok sumars Bein útsending: Byggjum til framtíðar – með gæði, heilnæmi og sjálfbærni að leiðarljósi Miklar breytingar hjá Play og nefhjól í lausu lofti Háhyrningurinn synti rakleiðis í strand Halla flytur hátíðarávarpið í stað Kristrúnar Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar Yfirtökutilboð í Play og ríkisstjórnin kvikar hvergi með veiðigjöldin „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Sjá meira
Þetta kom fram í máli Jóns Baldvins fyrir Héraðsdómi Reykjavíkur í morgun. Þar var Jón spurður hvers vegna hann teldi að mæðgurnar sökuðu hann um athæfið ef ekkert væri til í ásökunum þeirra. Hann velti þá upp tveimur skýringum sem hann taldi mögulegar; annars vegar að þeim hafi ekki verið sjálfrátt vegna ölvunar og hins vegar að málið hafi verið undirbúið af þeim fyrir fram og þær komið í heimsókn til þess að setja atvikið á svið. „Ég átta mig á að einhverjum kunni að þykja það ótrúleg skýring,“ sagði Jón Baldvin um seini kenningu sína áður en hann rak svo nokkrar vísbendingar í málinu sem hann taldi benda þó benda til þessa. Sagðist hafa séð hann káfa á rassi dóttur sinnar Atvikið á að hafa átt sér stað þann 16. júní 2018 á heimili Jóns Baldvins og eiginkonu hans Bryndísar Schram í Grananda á Spáni. Mæðgurnar voru komnar í heimsókn ásamt yngri systur Carmenar yfir helgina en þær eru búsettar annars staðar á Spáni. Að sögn Carmenar og Laufeyjar káfaði Jón Baldvin á rassi hennar utanklæða við borðhaldið þegar Carmen hafði staðið upp til að skenkja víni í glös viðstaddra. Carmen JóhannsdóttirMynd/Raul Baldera Hún hafi síðan sest aftur niður, í áfalli að eigin sögn, en það var þá móðir hennar sem sagði Jóni Baldvini að biðja hana afsökunar. Hann hafi spurt á hverju og hún þá sagt að hún hafi séð hann káfa á rassi dóttur sinnar. Að sögn Jóns Baldvins spratt Laufey á fætur fyrirvaralaust þegar um mínúta var liðin af borðhaldinu og farið fram með ásakanirnar: „Við þetta leystist borðhaldið upp. Við áttum ekki von á þessu. Þetta kom eins og þruma úr heiðskíru lofti,“ sagði Jón. „Ég hélt nú ró minni þrátt fyrir allt, þó ég væri nú furðu lostinn.“ Í beinu framhaldi af fræknu jafntefli gegn Argentínu Hann rak síðan sínar tilgátur um ástæður fyrir ásökunum mæðgnanna. Fyrst nefndi hann það að „Að Laufeyju hafi ekki verið sjálfrátt því þetta er henni ekki líkt.“ Þau hafi öll verið að horfa á frægan landsleik Íslands við Argentínu á heimsmeistaramóti karla í knattspyrnu og þar hafi hann sjálfur fengið sér tvo bjóra en þær mæðgur drukkið sterkt vín. Hann segir að Laufey hafi þá fyrr um daginn sagst ekki mega fá sér bjór því hún væri á sterkum lyfjum. Jón Baldvin, Carmen og fleiri horfðu saman á viðureign Íslands og Argentínu á HM 2018. Þar varði Hannes Þór Halldórsson víti frá Lionel Messi eins og frægt er orðið. Lauk leiknum með sögufrægu jafntefli, 1-1.Vísir/vilhelm „Nú, önnur skýring sem er kannski veigameiri. Af hverju voru þær komnar þarna? Var þetta kannski ekki vinaheimsókn heldur voru þær að koma af ásettu ráði til að setja þetta á svið?“ sagði hann síðan. Carmen færi fyrir Facebook-hópi Hann nefndi þá að lögmaður sinn hefði komist að því að Carmen færi fyrir Facebook-hópi þeirra kvenna sem sökuðu Jón Baldvin um kynferðisofbeldi en samband var á milli þeirra Laufeyjar og dóttur Jóns Baldvins, Aldísar Schram, sem var á þessum tíma tiltölulega nýbúin að stíga fram og saka föður sinn um kynferðisofbeldi gegn sér. Jón Baldvin telur að þarna hafi það gagnast þeim konum að geta vísað í nýrra mál gegn sér en þau sem væru orðin fyrnd. Þá telur hann að mæðgurnar hafi verið grunsamlega fljótar að hverfa brott af heimili þeirra eftir atvikið með allan sinn farangur og hund eins og þær hafi verið búnar að pakka saman dóti sínu fyrir kvöldið. „Allar þessar vísbendingar benda til þess að það er ekki eins fráleitt og maður skildi ætla að þetta hafi verið undirbúið til að fá fram þessa niðurstöðu,“ sagði Jón Baldvin fyrir rétti í dag.
Mál Jóns Baldvins Hannibalssonar Dómsmál Kynferðisofbeldi Mest lesið „Stundin sem við höfum óttast er runnin upp“ Erlent Hermenn bauluðu á Biden, Newsom og blaðamenn Erlent Halla flytur hátíðarávarpið í stað Kristrúnar Innlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Aðalmeðferð hafin í máli Sigurðar Fannars Innlent Háhyrningurinn synti rakleiðis í strand Innlent Vinnuslys við Suðurlandsbraut Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Fleiri fréttir Vinnuslys við Suðurlandsbraut Fótboltagláp, ráfandi djammarar og nú fljúgandi nefhjól Stendur í stafni fyrir samevrópska nefnd WHO um lýðheilsu Dagur gáttaður á Viðskiptaráði: „Leigufélögin eru ekki andskotinn sjálfur“ Stórauka þjónustu Strætó í lok sumars Bein útsending: Byggjum til framtíðar – með gæði, heilnæmi og sjálfbærni að leiðarljósi Miklar breytingar hjá Play og nefhjól í lausu lofti Háhyrningurinn synti rakleiðis í strand Halla flytur hátíðarávarpið í stað Kristrúnar Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar Yfirtökutilboð í Play og ríkisstjórnin kvikar hvergi með veiðigjöldin „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Sjá meira