Braut á bestu vinkonu sinni á Vestfjörðum Kolbeinn Tumi Daðason skrifar 20. nóvember 2020 19:11 Lögreglustöðin á Ísafirði. Vísir/Vilhelm Karlmaður á Vestfjörðum hefur verið dæmdur í átján mánaða skilorðsbundið fangelsi til fimm ára fyrir að nauðga konu. Dómur var kveðinn upp í Héraðsdómi Vestfjarða í dag. Fór karlmaðurinn án samþykkis með hönd sína inn fyrir buxnastreng konunnar og stakk fingri inn í leggöng hennar á meðan hún var sofandi. Þá var hann dæmdur til að greiða konunni 1,5 milljónir króna í bætur. Ótrúverðug frásögn af náttklæðnaði Karlmaðurinn kom óboðinn í heimsókn til vinkonu sinnar um miðja aðfaranótt sunnudagsins 8. september í fyrra og hún hleypti honum inn. Eftir að hafa spjallað við systur sína í þó nokkra stund lagðist hún upp í rúm þar sem vinur hennar lá. Sagðist konan hafa verið klædd síðum náttbuxum, hálferma nátttreyju og þykkum sokkum. Framburður systur, læknis og lögreglumanns studdu þau orð konunnar. Karlmaðurinn sagði hana hafa verið í nærbuxum og silkináttkjól einum klæða. Dómurinn taldi þann framburð svo ótrúverðugan að á honum yrði ekki byggt. Þar sem konan hefði ekki boðið karlmanninum heim og með hliðsjón af hvernig hún var klædd þótti héraðsdómi ekkert hafa fram komið sem hefði gefið karlmanninum tilefni til að ætla að til kynferðislegra athafna myndi koma þegar hún lagðist upp í rúm til hans. Frásögn þeirra beggja um vinasamband þeirra styddi þessa ályktun héraðsdóms. Öruggur framburður konunnar Héraðsdómur leit svo til þess hvort aðstæður hefðu breyst í framhaldinu eftir að hún lagðist upp í rúm til karlsins. Hvort með réttu mætti ætla að kynferðislegur áhugi hefði kviknað hjá konunni og hún samþykk og viljug til kynferðislegra athafna. Konan var stöðug og örugg í þeim framburði að þau hefðu hlustað á tónlist og spjallað í um fimm mínútur. Hún næst kveikt á rólegum hálftíma löngum lagalista, boðið góða nótt, snúið sér frá karlmanninum og sofnað stuttu síðar. Líkamar þeirra hefðu ekki snerst fram til þess tíma. Þegar hún vaknaði hafi lagalistinn verið búinn, karlmaðurinn legið þétt upp við og nánast ofan á hluta líkama hennar, verið að anda eða stynja í eyra hennar og með fingur inni í leggöngum hennar. Engin snerting í aðdraganda brotsins Framburður ákærða var að einhverju leyti ólíkur hjá lögreglu í fyrri og seinni skýrslugjöf. Hann hefði hins vegar talið áhuga hjá konunni til kynmaka en svo hætt þegar honum varð ljóst að svo væri ekki. Við mat dómsins á trúverðugleika hans leit dómurinn til þess að karlmaðurinn hélt því aldrei fram að konan hefði farið um hann höndum í rúminu, þau talað saman um kynferðislegt samneyti eða kysst hvort annað. Þá lægi fyrir ótrúverðug frásögn um náttklæðnað konunnar. Taldi dómurinn þetta draga verulega úr líkindum að konan hefði haft kynferðislegan áhuga á karlmanninum. Þá benti ekkert til þess að konan hefði gefið til kynna að hún væri samþykk kynferðislegum athöfnum. Átti sér einskis ills von Karlinn og konan eru á þrítugsaldri og voru trúnaðarvinir. Við ákvörðun refsingar leit dómurinn til þess að konan leit á karlinn sem trúnaðarvin, treysti í hvívetna og átti sér einskis ills von þegar hún leyfði honum að gista í hjónarúmi hennar. Karlmaðurinn hefði rofið þetta traust. Þótt hann hefði óskað eftir að samband þeirra yrði annað og meira en náið vinasamband átti hann engan rétt á að yfirfæra eigin þrár yfir í löngun konunnar til kynferðislegs samneytis við hann. Ljóst væri að framferði hans hefði valdið verulegri vanlíðan. Þótti refsing hæfileg átján mánaða fangelsi. 1,5 milljónir króna í bætur Dómurinn leit til þess að brotið hefði markað djúp spor í sálarlíf beggja og valdið þeim áfalli. Vinskapur þeirra hefði verið náinn og báðum dýrmætur. Bæði voru gersamlega niðurbrotin við skýrslugjöf fyrir dómi. Taldi dómurinn því verulegar efasemdir á að afplánun refsingar gæti hagað sérstökum hagsmunum konunnar eða almennum hagsmunum. Var dómurinn því skilorðsbundinn, til fimm ára. Var karlmaðurinn dæmdur til að greiða konunni 1,5 milljónir króna í miskabætur enda hefði brotið valdið henni verulegri vanlíðan sem ekki verður rakin frekar hér. Dómsmál Kynferðisofbeldi Mest lesið Var á yfir 200 kílómetra hraða þegar slysið varð Innlent Landlæknir sviptir Kalla Snæ lækningaleyfi Innlent Fann sér ekki stað hjá forsetanum eftir breytingar Innlent Sprengjum og öxum beitt við heimili til að kúga út fé Innlent Fær þyngri dóm fyrir að nauðga fjórtán ára tálbeitu Innlent Hætt eftir tveggja mánaða störf fyrir borgarstjóra Innlent Þota með á þriðja hundrað manns brotlenti í íbúðahverfi Erlent Viktor Arman lést af slysförum á Esjunni Innlent Gáfu fjölskyldu Víglundar draumavél feðganna Innlent Blóðugur háhyrningur í fjöru Kjalarness Innlent Fleiri fréttir Oft langar og miklar tafir við Ölfusárbrú á Selfossi Boðinn flutningur en tekur ekki afstöðu fyrr en ákvörðun liggur fyrir Sprengjum og öxum beitt við heimili til að kúga út fé Blóðugur háhyrningur í fjöru Kjalarness Fær þyngri dóm fyrir að nauðga fjórtán ára tálbeitu Vargöld í verktakabransanum, mótmæli og þristur fluttur Sakhæfi og refsing móður sem myrti eigið barn staðfest Landlæknir sviptir Kalla Snæ lækningaleyfi Engum verið neitað um Fulbright-styrk á Íslandi Umferðarslys austan Selfoss Krefjast tveggja milljarða króna vegna vatnsleiðslunnar Gáfu fjölskyldu Víglundar draumavél feðganna Bein útsending: Skóli og nám í víðum skilningi - breytt heimsmynd Hætt eftir tveggja mánaða störf fyrir borgarstjóra Vill að Þorbjörg Sigríður dragi orð sín til baka „Mikilvægt skref“ að veita Bandaríkjunum aðgang að dönskum herstöðvum Flugu frá Frakklandi með tólf kíló af kókaíni Mannskaði á Indlandi og dagsektum beitt gegn SVEIT Fann sér ekki stað hjá forsetanum eftir breytingar Var lengi hikandi að selja Ratcliffe laxveiðijarðirnar Var á yfir 200 kílómetra hraða þegar slysið varð Hefja söfnun fyrir geðheilbrigðisúrræði í minningu Bryndísar Klöru Frekar ætti að styrkja forvarnir en reisa minnisvarða um þolendur ofbeldis Hávaðaútköll og maður með ólæti á dvalarheimili Ekki tíminn fyrir stjórnarandstöðu til að stunda tafarleiki „Óásættanlegt“ að ofbeldi fái ekki sömu athygli og veiðigjöld Erlendir ríkisborgarar rúmlega helmingur atvinnulausra Viktor Arman lést af slysförum á Esjunni „Fólk er í áfalli yfir þessu“ Fjölmiðlafrumvarpið „ein allsherjarhefndarför gegn Morgunblaðinu“ Sjá meira
Karlmaður á Vestfjörðum hefur verið dæmdur í átján mánaða skilorðsbundið fangelsi til fimm ára fyrir að nauðga konu. Dómur var kveðinn upp í Héraðsdómi Vestfjarða í dag. Fór karlmaðurinn án samþykkis með hönd sína inn fyrir buxnastreng konunnar og stakk fingri inn í leggöng hennar á meðan hún var sofandi. Þá var hann dæmdur til að greiða konunni 1,5 milljónir króna í bætur. Ótrúverðug frásögn af náttklæðnaði Karlmaðurinn kom óboðinn í heimsókn til vinkonu sinnar um miðja aðfaranótt sunnudagsins 8. september í fyrra og hún hleypti honum inn. Eftir að hafa spjallað við systur sína í þó nokkra stund lagðist hún upp í rúm þar sem vinur hennar lá. Sagðist konan hafa verið klædd síðum náttbuxum, hálferma nátttreyju og þykkum sokkum. Framburður systur, læknis og lögreglumanns studdu þau orð konunnar. Karlmaðurinn sagði hana hafa verið í nærbuxum og silkináttkjól einum klæða. Dómurinn taldi þann framburð svo ótrúverðugan að á honum yrði ekki byggt. Þar sem konan hefði ekki boðið karlmanninum heim og með hliðsjón af hvernig hún var klædd þótti héraðsdómi ekkert hafa fram komið sem hefði gefið karlmanninum tilefni til að ætla að til kynferðislegra athafna myndi koma þegar hún lagðist upp í rúm til hans. Frásögn þeirra beggja um vinasamband þeirra styddi þessa ályktun héraðsdóms. Öruggur framburður konunnar Héraðsdómur leit svo til þess hvort aðstæður hefðu breyst í framhaldinu eftir að hún lagðist upp í rúm til karlsins. Hvort með réttu mætti ætla að kynferðislegur áhugi hefði kviknað hjá konunni og hún samþykk og viljug til kynferðislegra athafna. Konan var stöðug og örugg í þeim framburði að þau hefðu hlustað á tónlist og spjallað í um fimm mínútur. Hún næst kveikt á rólegum hálftíma löngum lagalista, boðið góða nótt, snúið sér frá karlmanninum og sofnað stuttu síðar. Líkamar þeirra hefðu ekki snerst fram til þess tíma. Þegar hún vaknaði hafi lagalistinn verið búinn, karlmaðurinn legið þétt upp við og nánast ofan á hluta líkama hennar, verið að anda eða stynja í eyra hennar og með fingur inni í leggöngum hennar. Engin snerting í aðdraganda brotsins Framburður ákærða var að einhverju leyti ólíkur hjá lögreglu í fyrri og seinni skýrslugjöf. Hann hefði hins vegar talið áhuga hjá konunni til kynmaka en svo hætt þegar honum varð ljóst að svo væri ekki. Við mat dómsins á trúverðugleika hans leit dómurinn til þess að karlmaðurinn hélt því aldrei fram að konan hefði farið um hann höndum í rúminu, þau talað saman um kynferðislegt samneyti eða kysst hvort annað. Þá lægi fyrir ótrúverðug frásögn um náttklæðnað konunnar. Taldi dómurinn þetta draga verulega úr líkindum að konan hefði haft kynferðislegan áhuga á karlmanninum. Þá benti ekkert til þess að konan hefði gefið til kynna að hún væri samþykk kynferðislegum athöfnum. Átti sér einskis ills von Karlinn og konan eru á þrítugsaldri og voru trúnaðarvinir. Við ákvörðun refsingar leit dómurinn til þess að konan leit á karlinn sem trúnaðarvin, treysti í hvívetna og átti sér einskis ills von þegar hún leyfði honum að gista í hjónarúmi hennar. Karlmaðurinn hefði rofið þetta traust. Þótt hann hefði óskað eftir að samband þeirra yrði annað og meira en náið vinasamband átti hann engan rétt á að yfirfæra eigin þrár yfir í löngun konunnar til kynferðislegs samneytis við hann. Ljóst væri að framferði hans hefði valdið verulegri vanlíðan. Þótti refsing hæfileg átján mánaða fangelsi. 1,5 milljónir króna í bætur Dómurinn leit til þess að brotið hefði markað djúp spor í sálarlíf beggja og valdið þeim áfalli. Vinskapur þeirra hefði verið náinn og báðum dýrmætur. Bæði voru gersamlega niðurbrotin við skýrslugjöf fyrir dómi. Taldi dómurinn því verulegar efasemdir á að afplánun refsingar gæti hagað sérstökum hagsmunum konunnar eða almennum hagsmunum. Var dómurinn því skilorðsbundinn, til fimm ára. Var karlmaðurinn dæmdur til að greiða konunni 1,5 milljónir króna í miskabætur enda hefði brotið valdið henni verulegri vanlíðan sem ekki verður rakin frekar hér.
Dómsmál Kynferðisofbeldi Mest lesið Var á yfir 200 kílómetra hraða þegar slysið varð Innlent Landlæknir sviptir Kalla Snæ lækningaleyfi Innlent Fann sér ekki stað hjá forsetanum eftir breytingar Innlent Sprengjum og öxum beitt við heimili til að kúga út fé Innlent Fær þyngri dóm fyrir að nauðga fjórtán ára tálbeitu Innlent Hætt eftir tveggja mánaða störf fyrir borgarstjóra Innlent Þota með á þriðja hundrað manns brotlenti í íbúðahverfi Erlent Viktor Arman lést af slysförum á Esjunni Innlent Gáfu fjölskyldu Víglundar draumavél feðganna Innlent Blóðugur háhyrningur í fjöru Kjalarness Innlent Fleiri fréttir Oft langar og miklar tafir við Ölfusárbrú á Selfossi Boðinn flutningur en tekur ekki afstöðu fyrr en ákvörðun liggur fyrir Sprengjum og öxum beitt við heimili til að kúga út fé Blóðugur háhyrningur í fjöru Kjalarness Fær þyngri dóm fyrir að nauðga fjórtán ára tálbeitu Vargöld í verktakabransanum, mótmæli og þristur fluttur Sakhæfi og refsing móður sem myrti eigið barn staðfest Landlæknir sviptir Kalla Snæ lækningaleyfi Engum verið neitað um Fulbright-styrk á Íslandi Umferðarslys austan Selfoss Krefjast tveggja milljarða króna vegna vatnsleiðslunnar Gáfu fjölskyldu Víglundar draumavél feðganna Bein útsending: Skóli og nám í víðum skilningi - breytt heimsmynd Hætt eftir tveggja mánaða störf fyrir borgarstjóra Vill að Þorbjörg Sigríður dragi orð sín til baka „Mikilvægt skref“ að veita Bandaríkjunum aðgang að dönskum herstöðvum Flugu frá Frakklandi með tólf kíló af kókaíni Mannskaði á Indlandi og dagsektum beitt gegn SVEIT Fann sér ekki stað hjá forsetanum eftir breytingar Var lengi hikandi að selja Ratcliffe laxveiðijarðirnar Var á yfir 200 kílómetra hraða þegar slysið varð Hefja söfnun fyrir geðheilbrigðisúrræði í minningu Bryndísar Klöru Frekar ætti að styrkja forvarnir en reisa minnisvarða um þolendur ofbeldis Hávaðaútköll og maður með ólæti á dvalarheimili Ekki tíminn fyrir stjórnarandstöðu til að stunda tafarleiki „Óásættanlegt“ að ofbeldi fái ekki sömu athygli og veiðigjöld Erlendir ríkisborgarar rúmlega helmingur atvinnulausra Viktor Arman lést af slysförum á Esjunni „Fólk er í áfalli yfir þessu“ Fjölmiðlafrumvarpið „ein allsherjarhefndarför gegn Morgunblaðinu“ Sjá meira