Hef bætt leik minn hér í Noregi Hjörvar Ólafsson skrifar 10. maí 2018 15:00 Svava Rós með boltann á tánum í viðureign Íslands og Noregs á La Manga í janúar. Vísir/Getty Svava Rós Guðmundsdóttir, landsliðskona í knattspyrnu, hefur byrjað afar vel á sínu fyrsta tímabili hjá norska liðinu Røa. Hún gekk í raðir Røa í upphafi ársins og hefur skorað fjögur mörk í fyrstu fimm leikjum liðsins í norsku efstu deildinni á yfirstandandi leiktíð. Røa gekk reyndar ekki í takt við góða byrjun Svövu Rósar, en liðið beið ósigur í þremur fyrstu leikjum sínum í deildinni. Gæfan snerist síðan liðinu í hag og liðið hefur haft betur í síðustu tveimur deildarleikjum sínum, en Svava Rós hefur verið á skotskónum í báðum sigurleikjunum. Røa hífði sig þar af leiðandi frá fallsvæði deildarinnar og hún er í seilingarfjarlægð frá markahæstu leikmönnum deildarinnar. Svava Rós hefur verið viðloðandi íslenska landsliðið, en hún lék sinn fyrsta leik fyrir liðið í undankeppni HM 2019 þegar liðið sigraði Færeyjar nýverið í leik liðanna í Þórshöfn. Hún hóf leikinn á hægri kantinum og stóð sig með prýði í 5-0 sigri liðsins. Svava Rós lagði upp annað mark Íslands í leiknum þegar hún renndi boltanum á Rakel Hönnudóttur sem skilaði boltanum í netið. Svava Rós hefur nú þegar skorað meira fyrir Røa á þessari leiktíð, en allt síðasta keppnistímabil í deildinni fyrir Breiðablik. Hún skoraði þrjú mörk fyrir Breiðablik, en lét svo enn frekar til sín taka þegar kom að því að leggja upp mörk fyrir samherja sína. Svava Rós var stoðsendingahæsti leikmaður deildarinnar síðasta sumar og raunar sumarið þar áður sömuleiðis. „Við fórum rólega af stað í deildinni, en við stóðum okkur hins vegar vel á móti Lilleström sem er með besta lið deildarinnar. Þetta er mjög jöfn deild og það hafa öll lið verið að kroppa stig af hvert öðru. Lilleström er hins vegar í sérflokki og ég held að þær verði meistarar. Við höfum bætt okkar spilamennsku undanfarið og náð að landa sigrum í tveimur síðustu leikjunum. Það er stutt í liðin fyrir ofan okkur og sigur gegn Avaldsnes gæti lyft okkur upp um nokkur sæti,“ segir Svava Rós. „Mér líður mjög vel hérna og allur aðbúnaður er mjög góður. Ég get einbeitt mér meira að fótboltanum hérna en heima og ég æfi alla jafna tvisvar á dag. Mér finnst ég hafa bætt mig eftir að ég kom hingað og ýmsir þættir sem voru ekki nógu góðir í mínum leik hafa batnað. Við erum með fínt lið sem getur haft betur í öllum leikjum sem við spilum og við stefnum að því að vera við topp deildarinnar,“ segir hún um það hvernig málin standa hjá liðinu. „Mér hefur gengið vel persónulega, en aðalástæðan fyrir því að ég er að skora meira hér en hjá Breiðabliki er að ég er að spila frammi hérna. Ég hef klárað vel þau færi sem ég hef fengið og ég er aðgangsharðari fyrir framan markið en áður. Ég hef meira sjálfstraust til þess að klára færin upp á eigin spýtur og ég er orðin betri í að klára færin en ég var. Ég hef ekki sett mér nein markmið um fjölda marka á tímabilinu, en set stefnuna á að skora fyrir hvern leik,“ segir Svava Rós. „Það er svolítið síðan ég spilaði síðast sem framherji. Ég og Elín Metta [Jensen] skiptum því á milli okkar að spila á kantinum og frammi þegar við vorum saman hjá Val. Það er mjög gaman að rifja upp gamla takta í framlínunni og fá að vera meira í baráttunni inni i vítateig andstæðinganna en áður. Ég get nýtt hraða minn og kraft í þessari stöðu og markmiðið er að bæta skottæknina enn frekar. Það er vonandi að ég haldi áfram á skotskónum,“ segir hún enn frekar um spilamennsku sína. Birtist í Fréttablaðinu Mest lesið Kláraði læknisfræði og keppti á HM í sömu viku Sport Sendi sónarmynd: Tvö ákærð eftir fjárkúgun gamallar kærustu Enski boltinn Rúnar látinn fara frá Leipzig Handbolti Kraftaverkamaðurinn Gunnar Már sem þjálfarinn kallar Jesús Körfubolti Leiðinlegir og slappir: Heimir fékk afmæliskort en enga veislu Fótbolti Lyfjaeftirlitið vill stoppa Steraleikana Sport Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Harma ljót orð í Dalnum og lofa bættri gæslu Íslenski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Í beinni: Valur - Þróttur | Leið til að bjarga sumrinu Þróttur fékk kröftugan framherja sem þarf að bíða fram að stórleiknum Breiðablik búið að semja við Damir Skaut fast á umboðsmann Gyökeres: „Hótanir og kúgun virka ekki á mig“ „Auðvitað þyrstir okkur í sigur sem fyrst“ „Óhjákvæmilegt að maður brjóti hjarta einhvers“ Leiðinlegir og slappir: Heimir fékk afmæliskort en enga veislu Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Orri lofar næstu stjörnu Arsenal: „Frábær strákur með fæturna fyrir neðan jörðina“ Harma ljót orð í Dalnum og lofa bættri gæslu Vilja tæpa tólf milljarða fyrir Garnacho Arftaki hins titlaóða Carsons fundinn Ósáttur Lárus Orri: „Sýnum smá ástríðu líka“ „Barnaskapur sem á ekki alveg við“ Senegal lagði England í Nottingham „Ég hata að tapa“ Hollendingar skoruðu átta „Heimurinn er ekkert að farast þó við höfum tapað“ Man City staðfestir kaupin á Cherki Forest vill niðurstöðu í mál Palace Uppgjörið: Norður-Írland - Ísland 1-0 | Bragðdauft í Belfast Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Sjá meira
Svava Rós Guðmundsdóttir, landsliðskona í knattspyrnu, hefur byrjað afar vel á sínu fyrsta tímabili hjá norska liðinu Røa. Hún gekk í raðir Røa í upphafi ársins og hefur skorað fjögur mörk í fyrstu fimm leikjum liðsins í norsku efstu deildinni á yfirstandandi leiktíð. Røa gekk reyndar ekki í takt við góða byrjun Svövu Rósar, en liðið beið ósigur í þremur fyrstu leikjum sínum í deildinni. Gæfan snerist síðan liðinu í hag og liðið hefur haft betur í síðustu tveimur deildarleikjum sínum, en Svava Rós hefur verið á skotskónum í báðum sigurleikjunum. Røa hífði sig þar af leiðandi frá fallsvæði deildarinnar og hún er í seilingarfjarlægð frá markahæstu leikmönnum deildarinnar. Svava Rós hefur verið viðloðandi íslenska landsliðið, en hún lék sinn fyrsta leik fyrir liðið í undankeppni HM 2019 þegar liðið sigraði Færeyjar nýverið í leik liðanna í Þórshöfn. Hún hóf leikinn á hægri kantinum og stóð sig með prýði í 5-0 sigri liðsins. Svava Rós lagði upp annað mark Íslands í leiknum þegar hún renndi boltanum á Rakel Hönnudóttur sem skilaði boltanum í netið. Svava Rós hefur nú þegar skorað meira fyrir Røa á þessari leiktíð, en allt síðasta keppnistímabil í deildinni fyrir Breiðablik. Hún skoraði þrjú mörk fyrir Breiðablik, en lét svo enn frekar til sín taka þegar kom að því að leggja upp mörk fyrir samherja sína. Svava Rós var stoðsendingahæsti leikmaður deildarinnar síðasta sumar og raunar sumarið þar áður sömuleiðis. „Við fórum rólega af stað í deildinni, en við stóðum okkur hins vegar vel á móti Lilleström sem er með besta lið deildarinnar. Þetta er mjög jöfn deild og það hafa öll lið verið að kroppa stig af hvert öðru. Lilleström er hins vegar í sérflokki og ég held að þær verði meistarar. Við höfum bætt okkar spilamennsku undanfarið og náð að landa sigrum í tveimur síðustu leikjunum. Það er stutt í liðin fyrir ofan okkur og sigur gegn Avaldsnes gæti lyft okkur upp um nokkur sæti,“ segir Svava Rós. „Mér líður mjög vel hérna og allur aðbúnaður er mjög góður. Ég get einbeitt mér meira að fótboltanum hérna en heima og ég æfi alla jafna tvisvar á dag. Mér finnst ég hafa bætt mig eftir að ég kom hingað og ýmsir þættir sem voru ekki nógu góðir í mínum leik hafa batnað. Við erum með fínt lið sem getur haft betur í öllum leikjum sem við spilum og við stefnum að því að vera við topp deildarinnar,“ segir hún um það hvernig málin standa hjá liðinu. „Mér hefur gengið vel persónulega, en aðalástæðan fyrir því að ég er að skora meira hér en hjá Breiðabliki er að ég er að spila frammi hérna. Ég hef klárað vel þau færi sem ég hef fengið og ég er aðgangsharðari fyrir framan markið en áður. Ég hef meira sjálfstraust til þess að klára færin upp á eigin spýtur og ég er orðin betri í að klára færin en ég var. Ég hef ekki sett mér nein markmið um fjölda marka á tímabilinu, en set stefnuna á að skora fyrir hvern leik,“ segir Svava Rós. „Það er svolítið síðan ég spilaði síðast sem framherji. Ég og Elín Metta [Jensen] skiptum því á milli okkar að spila á kantinum og frammi þegar við vorum saman hjá Val. Það er mjög gaman að rifja upp gamla takta í framlínunni og fá að vera meira í baráttunni inni i vítateig andstæðinganna en áður. Ég get nýtt hraða minn og kraft í þessari stöðu og markmiðið er að bæta skottæknina enn frekar. Það er vonandi að ég haldi áfram á skotskónum,“ segir hún enn frekar um spilamennsku sína.
Birtist í Fréttablaðinu Mest lesið Kláraði læknisfræði og keppti á HM í sömu viku Sport Sendi sónarmynd: Tvö ákærð eftir fjárkúgun gamallar kærustu Enski boltinn Rúnar látinn fara frá Leipzig Handbolti Kraftaverkamaðurinn Gunnar Már sem þjálfarinn kallar Jesús Körfubolti Leiðinlegir og slappir: Heimir fékk afmæliskort en enga veislu Fótbolti Lyfjaeftirlitið vill stoppa Steraleikana Sport Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Harma ljót orð í Dalnum og lofa bættri gæslu Íslenski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Í beinni: Valur - Þróttur | Leið til að bjarga sumrinu Þróttur fékk kröftugan framherja sem þarf að bíða fram að stórleiknum Breiðablik búið að semja við Damir Skaut fast á umboðsmann Gyökeres: „Hótanir og kúgun virka ekki á mig“ „Auðvitað þyrstir okkur í sigur sem fyrst“ „Óhjákvæmilegt að maður brjóti hjarta einhvers“ Leiðinlegir og slappir: Heimir fékk afmæliskort en enga veislu Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Orri lofar næstu stjörnu Arsenal: „Frábær strákur með fæturna fyrir neðan jörðina“ Harma ljót orð í Dalnum og lofa bættri gæslu Vilja tæpa tólf milljarða fyrir Garnacho Arftaki hins titlaóða Carsons fundinn Ósáttur Lárus Orri: „Sýnum smá ástríðu líka“ „Barnaskapur sem á ekki alveg við“ Senegal lagði England í Nottingham „Ég hata að tapa“ Hollendingar skoruðu átta „Heimurinn er ekkert að farast þó við höfum tapað“ Man City staðfestir kaupin á Cherki Forest vill niðurstöðu í mál Palace Uppgjörið: Norður-Írland - Ísland 1-0 | Bragðdauft í Belfast Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Sjá meira