Upplýsingar ekki fyrir alla? 29. júlí 2005 00:01 Tengsl forstjóra Símans við nýja eigendur vekur spurningar um hvort þeir hafi haft einhverjar upplýsingar sem hinir höfðu ekki, segir formaður Samfylkingarinnar. Vinstri grænir vilja setja sérstök lög um einkavæðingu ríkisfyrirtækja til að einstakir ráðherrar ráðskist ekki með eigur ríkisins að vild. Brynjólfur Bjarnason, forstjóri Símans, sagði sig úr stjórn Bakkavarar í mars þegar ljóst mátti vera að bræðurnir í Bakkavör vildu bjóða í Símann. Hann sagði í tilkynningu í kjölfar frétta af málinu að hann teldi enga hættu á hagsmunaárekstrum en hefði ákveðið að segja sig frá stjórnarsetu til að söluferlið yrði hafið yfir allan vafa. Greint var svo frá því í júlí að meðal þeirra gagna sem einkavæðinganefndin lét útbúa fyrir bjóðendur væri svokölluð Landwell-skýrsla, áreiðanleikaúttekt sem bundin væri svo miklum trúnaði að bjóðendur mættu ekki ljósrita gögnin heldur þyrftu að handskrifa úr þeim eftir þörfum. Fyrirtækið Landwell var hins vegar líka ráðgjafi eins bjóðendanna, það er að segja Skiptis sem nú hreppir Landsímann, en Exista leiðir hópinn með bræðurna í Bakkavör í broddi fylkingar. Ingibjörg Sólrún Gísladóttir, formaður Samfylkingarinnar, segir margt betra nú en við einkavæðingu bankanna. Gagnrýni stjórnarandstöðu hafi einhverju skilað. Það vakni þó margar spurningar, til að mynda af hverju allir útlendingar hafi dregið sig út og hversu gríðarlega hafi munað á því verði sem menn voru reiðubúnir að greiða. Það skilji eftir þá vangaveltu hvort hæstbjóðendur hafi haft gleggri upplýsingar um framtíðarmöguleika og kannski geymda hagræðingarmöguleika Símans. Spurð hvort hún meini þá frá forstjóra fyrirtækisins segir Ingibjörg ljóst að hann hafi setið í stjórn eins þeirra fyrirtækja sem séu í hópi hæstbjóðenda og það hljóti að vekja upp ákveðnar spurningar, þótt það hafi kannski ekki ráðið úrslitum. „Ég minni á að þegar Þórarinn V. Þórarinsson var forstjóri Símans var honum, við mjög svipaðar aðstæður, gert að taka sér frá leyfi frá störfum til þess að varpa ekki rýrð á trúverðugleika þessa ferils.“ Vinstri grænir voru og eru andvígir einkavæðingu Símans. Steingrímur J. Sigfússon, formaður flokksins, kveðst telja að þjóðin sé orðin hundleið á því að fáeinir ráðherrar ráðskist með almannaeigur og líti á það sem sitt einkamál hvernig þeir geri það og hverjum þeir afhendi þær. Hann segir að Alþingi hefði a.m.k. átt að móta hina almennu stefnu um hvernig staðið sé að einkavæðingu með svipuðum hætti og norska Stórþingið hefur gert þar í landi. „Síðan hafa náttúrlega verið þvílíkar uppákomur í þessu einkavæðingarferli öllu að við höfum sett fram þá kröfu að það í heild sinni hlíti ítarlegri, hlutlausri rannsókn,“ segir Steingrímur. Frjálslyndir hafa einnig krafist sérstakrar rannsóknar á einkavæðingu ríkisfyrirtækja. Magnús Þór Hafsteinsson, varaformaður flokksins, segir að ágætis verð virðist hafa fengist fyrir fyrirtækið. Hvað varði ferlið sjálft hljóti menn vitanlega að setja spurningarmerki við það á ýmsan hátt því sporin hræði. „Við vitum að ríkisstjórninni hefur gengið brösuglega, vægt til orða tekið, að einkavæða ríkisfyrirtæki áður en við skulum bara vona að þeir hafi eitthvað lært af því og að þetta verði í lagi í þetta sinn,“ segir Magnús. Fréttir Innlent Stj.mál Viðskipti Mest lesið Dánarorsök Ozzy Osbourne ljós Erlent Segja upp og draga úr útgáfu: Óvissan í rekstrinum „því miður aukist mikið“ Innlent Hættir að fjármagna þróun mRNA bóluefna Erlent Hvar á að grípa niður í fækkun innflytjenda? Innlent Lax ofan Stuðlagils gæti hafa veiðst lengst frá sjó á Íslandi Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Blóðbankinn á leið í Kringluna Innlent Handtekin fyrir ölvunarakstur eftir grænt ljós frá löggunni Innlent Trúa varla að tollahækkanirnar séu að skella á Viðskipti innlent Gagnrýndur fyrir að nota gervigreind í embættisstörfum Erlent Fleiri fréttir Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Sjá meira
Tengsl forstjóra Símans við nýja eigendur vekur spurningar um hvort þeir hafi haft einhverjar upplýsingar sem hinir höfðu ekki, segir formaður Samfylkingarinnar. Vinstri grænir vilja setja sérstök lög um einkavæðingu ríkisfyrirtækja til að einstakir ráðherrar ráðskist ekki með eigur ríkisins að vild. Brynjólfur Bjarnason, forstjóri Símans, sagði sig úr stjórn Bakkavarar í mars þegar ljóst mátti vera að bræðurnir í Bakkavör vildu bjóða í Símann. Hann sagði í tilkynningu í kjölfar frétta af málinu að hann teldi enga hættu á hagsmunaárekstrum en hefði ákveðið að segja sig frá stjórnarsetu til að söluferlið yrði hafið yfir allan vafa. Greint var svo frá því í júlí að meðal þeirra gagna sem einkavæðinganefndin lét útbúa fyrir bjóðendur væri svokölluð Landwell-skýrsla, áreiðanleikaúttekt sem bundin væri svo miklum trúnaði að bjóðendur mættu ekki ljósrita gögnin heldur þyrftu að handskrifa úr þeim eftir þörfum. Fyrirtækið Landwell var hins vegar líka ráðgjafi eins bjóðendanna, það er að segja Skiptis sem nú hreppir Landsímann, en Exista leiðir hópinn með bræðurna í Bakkavör í broddi fylkingar. Ingibjörg Sólrún Gísladóttir, formaður Samfylkingarinnar, segir margt betra nú en við einkavæðingu bankanna. Gagnrýni stjórnarandstöðu hafi einhverju skilað. Það vakni þó margar spurningar, til að mynda af hverju allir útlendingar hafi dregið sig út og hversu gríðarlega hafi munað á því verði sem menn voru reiðubúnir að greiða. Það skilji eftir þá vangaveltu hvort hæstbjóðendur hafi haft gleggri upplýsingar um framtíðarmöguleika og kannski geymda hagræðingarmöguleika Símans. Spurð hvort hún meini þá frá forstjóra fyrirtækisins segir Ingibjörg ljóst að hann hafi setið í stjórn eins þeirra fyrirtækja sem séu í hópi hæstbjóðenda og það hljóti að vekja upp ákveðnar spurningar, þótt það hafi kannski ekki ráðið úrslitum. „Ég minni á að þegar Þórarinn V. Þórarinsson var forstjóri Símans var honum, við mjög svipaðar aðstæður, gert að taka sér frá leyfi frá störfum til þess að varpa ekki rýrð á trúverðugleika þessa ferils.“ Vinstri grænir voru og eru andvígir einkavæðingu Símans. Steingrímur J. Sigfússon, formaður flokksins, kveðst telja að þjóðin sé orðin hundleið á því að fáeinir ráðherrar ráðskist með almannaeigur og líti á það sem sitt einkamál hvernig þeir geri það og hverjum þeir afhendi þær. Hann segir að Alþingi hefði a.m.k. átt að móta hina almennu stefnu um hvernig staðið sé að einkavæðingu með svipuðum hætti og norska Stórþingið hefur gert þar í landi. „Síðan hafa náttúrlega verið þvílíkar uppákomur í þessu einkavæðingarferli öllu að við höfum sett fram þá kröfu að það í heild sinni hlíti ítarlegri, hlutlausri rannsókn,“ segir Steingrímur. Frjálslyndir hafa einnig krafist sérstakrar rannsóknar á einkavæðingu ríkisfyrirtækja. Magnús Þór Hafsteinsson, varaformaður flokksins, segir að ágætis verð virðist hafa fengist fyrir fyrirtækið. Hvað varði ferlið sjálft hljóti menn vitanlega að setja spurningarmerki við það á ýmsan hátt því sporin hræði. „Við vitum að ríkisstjórninni hefur gengið brösuglega, vægt til orða tekið, að einkavæða ríkisfyrirtæki áður en við skulum bara vona að þeir hafi eitthvað lært af því og að þetta verði í lagi í þetta sinn,“ segir Magnús.
Fréttir Innlent Stj.mál Viðskipti Mest lesið Dánarorsök Ozzy Osbourne ljós Erlent Segja upp og draga úr útgáfu: Óvissan í rekstrinum „því miður aukist mikið“ Innlent Hættir að fjármagna þróun mRNA bóluefna Erlent Hvar á að grípa niður í fækkun innflytjenda? Innlent Lax ofan Stuðlagils gæti hafa veiðst lengst frá sjó á Íslandi Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Blóðbankinn á leið í Kringluna Innlent Handtekin fyrir ölvunarakstur eftir grænt ljós frá löggunni Innlent Trúa varla að tollahækkanirnar séu að skella á Viðskipti innlent Gagnrýndur fyrir að nota gervigreind í embættisstörfum Erlent Fleiri fréttir Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Sjá meira