Fylkingar innan VR eftir afstöðu til Eflingar og Ragnars Þórs Hólmfríður Gísladóttir skrifar 20. febrúar 2025 06:23 Flosi sagði ekkert launungamál að menn hefðu skipað sér í fylkingar innan verkalýðshreyfingarinnar. Vísir/Bjarni „Það hefur borið við, og það kemur engum á óvart, undanfarin ár í verkalýðshreyfingunni allri, og við þekkjum það mætavel við Halla eftir að hafa starfað í sama húsinu um tíma, hjá verkalýðshreyfingunni, að það hafa verið fylkingar innan hennar.“ Þetta sagði Flosi Eiríksson, ráðgjafi hjá Aton og einn frambjóðenda til formanns VR, í Pallborðinu á þriðjudag, þar sem formannsefnin kynntu og tókust á um áherslur sínar. Umræðan snérist um flokkadrætti innan VR og voru frambjóðendurnir meðal annars spurðir að því hvort frambjóðendur til stjórnar væru að fylgja sér á bakvið þá; hvort fylkingar væru að takast á. Þá var vísað til ummæla sem Flosi lét falla í samtali við fréttastofu Vísis, Stöðvar 2 og Bylgjunnar, þar sem hann sagðist ekki vera „fulltrúi neinna fylkinga“. Bjarni sagði skoðanaskipti á fundum yfirleitt snúast um málefnin en stundum hefðu menn skipst í hópa eftir afstöðu til persóna og leikenda.Vísir/Bjarni En hvernig líta þessar fylkingar þá út, fyrir þá sem ekki vita? „Ja, menn hafa nú skipst dálítið með og á móti því hvað mönnum finnst Efling vera að gera,“ svaraði Flosi. „Menn hafa svolítið verið með og á móti því sem Starfsgreinasambandið er að gera. Iðnaðarmennirnir hafa komið og farið úr kjarasamningum og svo framvegis og svo framvegis. Við þurfum ekkert að fela það; það hafa verið miklar fylkingar innan verkalýðshreyfingarinnar. Kannski verður það alltaf svoleiðis. Kannski á það að vera svoleiðis. Svo er mér sagt núna að það séu að myndast núna í þessari ágætu stjórn VR meiri- og minnihluti fastur. Það séu ekki lengur fulltrúarnir sem komi svona og vinni saman að hagsmunamálum og auðvitað hafa mismunandi skoðanir, heldur að við séum að lenda í einhverju svoleiðis gamaldags fyrirkomulagi.“ Ákveðnir stjórnarmenn hafi haft horn í síðu Ragnars Flosi sagðist hafa hringt í flesta stjórnarmenn VR og átt innihaldsrík samtöl við þá. Í framhaldinu hefði hann dregið þessa ályktun og honum þætti ótrúlegt ef Halla Gunnarsdóttir, formaður VR, og Bjarni Þór Sigurðsson, sem situr í stjórn VR, ætluðu að mótmæla því að það væru meiri- og minnihluti í stjórninni. Bjarni greip orðið og sagði það vissulega rétt að það hefði verið „fastara“ undanfarið að menn skiptust með og á móti. Umræðan hefst á 15. mínútu. En eftir hvaða línum eru menn að skipa sér í fylkingar? var hann þá spurður. „Oftast eru þetta reyndar málefnin en þetta eru líka persónur,“ svaraði Bjarni. „Það eru ákveðnir aðilar í stjórninni sem höfðu bara horn í síðu Ragnars [Þórs Ingólfssonar fyrrverandi formanns] og vildu allt til þess gera að hann væri ekki... Ja, fannst hann taka létt á uppsögnum í Eflingu, sem dæmi. Þannig að það eru svona ákveðnar væringar. En lang oftast er fólk bara að ræða saman um málefni sem skipta VR fólk máli... en svo koma svona einstaka mál upp þar sem menn greinilega skiptast í fylkingar.“ Bjarni sagðist taka undir það með Flosa að sundrungin hverfðist svolítið um Eflingu; þeir sem hefðu verið á ASÍ þingum síðustu ár sæju þetta svolítið. Hann teldi deilurnar standa svolítið um persónur og leikendur. Ástandið batnað mikið frá því eftir hrun Halla sagðist játa það fúslega að tilheyra fylkingu; hún væri í fylkingu sem vildi að VR ynni fyrir VR félaga. „Það hafa verið átakamál innan stjórnar, það hafa verið það, en ég verð að segja að frá því að ég tók við stjórnartaumunum þar, í október þegar Ragnar Þór fór í þingframboð, þá hef ég ekki orðið vör við annað en að við séum að taka ákvarðanir í bara frekar mikilli sátt. Að við séum að landa niðurstöðum í vel flestum málum og okkur gangi bara ágætlega að tala saman.“ Fjórir eru í framboði til formanns VR og sautján vilja sæti í stjórn.Vísir/Bjarni Halla sagðist hafa lagt áherslu að leiða saman ólík sjónarmið og ná fram niðurstöðu sem allir gætu fellt sig við, frekar en að viðhafa meirihlutaræði gegn minnihluta. Hins vegar sagðist hún telja erfitt að ætla að vera í forystu verkalýðshreyfingarinnar og láta verkin tala án þess að vera umdeildur. Þorsteinn Skúli Sveinsson, sérfræðingur á mannauðs- og stefnusviði Byko, sagði að auðvitað væri það þannig í stórum hóp að menn hefðu skiptar skoðanir. Þá væri eðlilegt að formaðurinn væri umdeildur en jafnframt mikilvægt að hann gæti svarað fyrir verk sín. Vinnufriður innan stjórnarinnar væri hins vegar afar mikilvægur. „VR hefur breyst alveg helling frá því eftir bankahrun, þegar mestu lætin voru. Þetta var alveg skelfilegt, ég var starfsmaður þarna hjá VR þegar þetta var, allir uppi á móti öllum einhvern veginn. En þetta hefur breyst sem betur fer. Og bara eðlilegt innan stjórnar að menn takist á, það er bara hluti af þessu.“ Pallborðið Formannskjör í VR 2025 Kjaramál Kjaraviðræður 2023-25 Mest lesið Hafi verið rangkynjuð oftar en hún geti talið og segir transfóbíu bitna á öllum Innlent Einhliða vopnahlé Rússa hafið Erlent „Íslenskir bankar eru með belti, axlabönd, sikrisnælur og hjálma“ Innlent Til skoðunar hvort hægt sé að innheimta leigu beint af tekjum Innlent Hefur áhyggjur af því að Amgen „gleypi Íslenska erfðagreiningu og spýti því út“ Innlent „Hann var með háðslegt glott, þetta var svo lítið mál“ Innlent „Þetta er mál sem varðar ekki einungis kaþólsku kirkjuna“ Innlent „Þetta er svona eitraður kokteill” Innlent Efla eftirlit með áfengissölu á íþróttaleikjum Innlent Segist hafa tryllst þegar Hafdís hótaði forræðissviptingu Innlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira
Þetta sagði Flosi Eiríksson, ráðgjafi hjá Aton og einn frambjóðenda til formanns VR, í Pallborðinu á þriðjudag, þar sem formannsefnin kynntu og tókust á um áherslur sínar. Umræðan snérist um flokkadrætti innan VR og voru frambjóðendurnir meðal annars spurðir að því hvort frambjóðendur til stjórnar væru að fylgja sér á bakvið þá; hvort fylkingar væru að takast á. Þá var vísað til ummæla sem Flosi lét falla í samtali við fréttastofu Vísis, Stöðvar 2 og Bylgjunnar, þar sem hann sagðist ekki vera „fulltrúi neinna fylkinga“. Bjarni sagði skoðanaskipti á fundum yfirleitt snúast um málefnin en stundum hefðu menn skipst í hópa eftir afstöðu til persóna og leikenda.Vísir/Bjarni En hvernig líta þessar fylkingar þá út, fyrir þá sem ekki vita? „Ja, menn hafa nú skipst dálítið með og á móti því hvað mönnum finnst Efling vera að gera,“ svaraði Flosi. „Menn hafa svolítið verið með og á móti því sem Starfsgreinasambandið er að gera. Iðnaðarmennirnir hafa komið og farið úr kjarasamningum og svo framvegis og svo framvegis. Við þurfum ekkert að fela það; það hafa verið miklar fylkingar innan verkalýðshreyfingarinnar. Kannski verður það alltaf svoleiðis. Kannski á það að vera svoleiðis. Svo er mér sagt núna að það séu að myndast núna í þessari ágætu stjórn VR meiri- og minnihluti fastur. Það séu ekki lengur fulltrúarnir sem komi svona og vinni saman að hagsmunamálum og auðvitað hafa mismunandi skoðanir, heldur að við séum að lenda í einhverju svoleiðis gamaldags fyrirkomulagi.“ Ákveðnir stjórnarmenn hafi haft horn í síðu Ragnars Flosi sagðist hafa hringt í flesta stjórnarmenn VR og átt innihaldsrík samtöl við þá. Í framhaldinu hefði hann dregið þessa ályktun og honum þætti ótrúlegt ef Halla Gunnarsdóttir, formaður VR, og Bjarni Þór Sigurðsson, sem situr í stjórn VR, ætluðu að mótmæla því að það væru meiri- og minnihluti í stjórninni. Bjarni greip orðið og sagði það vissulega rétt að það hefði verið „fastara“ undanfarið að menn skiptust með og á móti. Umræðan hefst á 15. mínútu. En eftir hvaða línum eru menn að skipa sér í fylkingar? var hann þá spurður. „Oftast eru þetta reyndar málefnin en þetta eru líka persónur,“ svaraði Bjarni. „Það eru ákveðnir aðilar í stjórninni sem höfðu bara horn í síðu Ragnars [Þórs Ingólfssonar fyrrverandi formanns] og vildu allt til þess gera að hann væri ekki... Ja, fannst hann taka létt á uppsögnum í Eflingu, sem dæmi. Þannig að það eru svona ákveðnar væringar. En lang oftast er fólk bara að ræða saman um málefni sem skipta VR fólk máli... en svo koma svona einstaka mál upp þar sem menn greinilega skiptast í fylkingar.“ Bjarni sagðist taka undir það með Flosa að sundrungin hverfðist svolítið um Eflingu; þeir sem hefðu verið á ASÍ þingum síðustu ár sæju þetta svolítið. Hann teldi deilurnar standa svolítið um persónur og leikendur. Ástandið batnað mikið frá því eftir hrun Halla sagðist játa það fúslega að tilheyra fylkingu; hún væri í fylkingu sem vildi að VR ynni fyrir VR félaga. „Það hafa verið átakamál innan stjórnar, það hafa verið það, en ég verð að segja að frá því að ég tók við stjórnartaumunum þar, í október þegar Ragnar Þór fór í þingframboð, þá hef ég ekki orðið vör við annað en að við séum að taka ákvarðanir í bara frekar mikilli sátt. Að við séum að landa niðurstöðum í vel flestum málum og okkur gangi bara ágætlega að tala saman.“ Fjórir eru í framboði til formanns VR og sautján vilja sæti í stjórn.Vísir/Bjarni Halla sagðist hafa lagt áherslu að leiða saman ólík sjónarmið og ná fram niðurstöðu sem allir gætu fellt sig við, frekar en að viðhafa meirihlutaræði gegn minnihluta. Hins vegar sagðist hún telja erfitt að ætla að vera í forystu verkalýðshreyfingarinnar og láta verkin tala án þess að vera umdeildur. Þorsteinn Skúli Sveinsson, sérfræðingur á mannauðs- og stefnusviði Byko, sagði að auðvitað væri það þannig í stórum hóp að menn hefðu skiptar skoðanir. Þá væri eðlilegt að formaðurinn væri umdeildur en jafnframt mikilvægt að hann gæti svarað fyrir verk sín. Vinnufriður innan stjórnarinnar væri hins vegar afar mikilvægur. „VR hefur breyst alveg helling frá því eftir bankahrun, þegar mestu lætin voru. Þetta var alveg skelfilegt, ég var starfsmaður þarna hjá VR þegar þetta var, allir uppi á móti öllum einhvern veginn. En þetta hefur breyst sem betur fer. Og bara eðlilegt innan stjórnar að menn takist á, það er bara hluti af þessu.“
Pallborðið Formannskjör í VR 2025 Kjaramál Kjaraviðræður 2023-25 Mest lesið Hafi verið rangkynjuð oftar en hún geti talið og segir transfóbíu bitna á öllum Innlent Einhliða vopnahlé Rússa hafið Erlent „Íslenskir bankar eru með belti, axlabönd, sikrisnælur og hjálma“ Innlent Til skoðunar hvort hægt sé að innheimta leigu beint af tekjum Innlent Hefur áhyggjur af því að Amgen „gleypi Íslenska erfðagreiningu og spýti því út“ Innlent „Hann var með háðslegt glott, þetta var svo lítið mál“ Innlent „Þetta er mál sem varðar ekki einungis kaþólsku kirkjuna“ Innlent „Þetta er svona eitraður kokteill” Innlent Efla eftirlit með áfengissölu á íþróttaleikjum Innlent Segist hafa tryllst þegar Hafdís hótaði forræðissviptingu Innlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira