Segir frumvarp Svandísar svik við þjóðina Jakob Bjarnar skrifar 8. janúar 2024 13:26 Sigurjón gagnrýnir drög að frumvarpi um sjávarútvegsmál, sem Svandís hefur haft talsvert fyrir að skrúfa saman, harðlega. Sigurjón Þórðarson, líffræðingur og varaþingmaður Flokks fólksins, er ómyrkur í máli um nýtt frumvarp Svandísar Svavarsdóttur matvælaráðherra um sjávarútveg. „Þetta segir auðvitað það að Svandís gerir ekkert með stefnu Vg og vill frekar skrúfa óbreytt kerfi niður. Öll þessi vinna sem kostaði á annað hundrað milljónir, það er „Auðlindin okkar“ var bara leikrit. Leikritið gekk út á að teygja lopann og ætla ekki að breyta einu né neinu,“ segir Sigurjón í samtali við Vísi. Nú er deilt um stöðu Svandísar innan ríkisstjórnarinnar og reyndar ríkisstjórnarsamstarfið sjálft í tengslum við álit umboðsmanns vegna ákvörðunar Svandísar að leggja bann við hvalveiðum í sumar með engum fyrirvara. Inga Sæland formaður Flokks fólksins hefur greint frá því að hún hyggist leggja fram vantrauststillögu á Svandísi þegar þing kemur saman og vonar hún að það verði í samstarfi við fleiri foringja stjórnarandstöðunnar. Morgunblaðið greinir frá óánægju þingmanna Sjálfstæðisflokksins í morgun og að því hefur verið látið liggja að þeir vilji losna við hana úr ráðuneytinu, meðal annars vegna þessa frumvarps. En sé þetta rétt sem Sigurjón segir, þá ætti Sjálfstæðismönnum að hugnast vel þetta nýja frumvarp. Hörð umsögn á samráðsgáttinni Frumvarpið hefur verið lengi í vinnslu og eru vandfundin dæmi um eins ítarlegan undirbúning og fyrir þetta frumvarp. Þverpólitíska og faglega sátt átti að finna með skipan samráðsnefndarinnar Auðlindin okkar – að þjóðin tæki fiskveiðistjórnunarkerfið í sátt. Í drögum um sjávarútvegsstefnu er að finna framtíðarsýn íslensks sjávarútvegs til 2040, hvorki meira né minna. Svandís skrifaði grein á Vísi þar sem hún talar um tímamótafrumvarp. „Mín von er sú að með þeim umbótum sem lagðar eru til sérstaklega á sviði gagnsæis séu sköpuð skilyrði til aukinnar sáttar um sjávarútveg, enda séu leikreglur skýrari, upplýsingar liggi fyrir og ýmis álitamál leidd til lykta,“ segir meðal annars í grein Svandísar. En ef marka má Sigurjón eru þetta leiktjöld sett voru upp. Umsögn Sigurjóns um frumvarpið má finna á samráðsgátt en vefmiðillinn Miðjan segir ítarlega af efni hennar. „Í stuttu máli, þá sjást engin merki þess í frumvarpinu að verið sé að stíga skref til sátta en þau hljóta að miða að því að tryggja jafnræði í aðgengi að nýtingu auðlindarinnar, allt í senn til veiða, vinnslu og verðmætasköpunar á fiskafurðum. Ef frumvarpið verður samþykkt mun það augljóslega leiða til þess að þjóðin verði af gríðarlegum verðmætum sem og leiða til fákeppni og hnignunar greinarinnar,“ segir Sigurjón. Sigurjón ómyrkur í máli Að sögn varaþingmannsins var til að mynda rökstuddum athugasemdum í engu svarað og nefnir Sigurjón dæmi um fullyrðingar sem lagt var út af í þá veru að íslenska kerfið væri það besta í heimi. „Óskaði ég t.d. sérstaklega í þessu samhengi eftir upplýsingum um á hvaða samanburði matvælaráðuneytið byggði fullyrðingu sína um að Ísland væri eina landið innan OECD sem skilaði ríkissjóði jákvæðri afkomu. Þar varð fátt um svör þrátt fyrir ítrekaðan eftirrekstur önnur en þau að vísa í einn af höfundum kvótakerfisins sem iðulega hefur haft rangt fyrir sér um afrakstur og kosti núverandi kerfis. Eftir stóð að engin gögn lágu til grundvallar frasakenndum fullyrðingum, sem vekur furðu og hlýtur að draga verulega úr trúverðugleika matvælaráðherra.“ Sigurjón segir að Svandís hafi sýnt af sér mikil óheilindim frumvarpið sé í engu í takti við stefnu Vinstri grænna í málaflokknum. Ríkisstjórn Katrínar Jakobsdóttur Sjávarútvegur Mest lesið „Stundin sem við höfum óttast er runnin upp“ Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Aðalmeðferð hafin í máli Sigurðar Fannars Innlent „Hjólið fellur á flugi, auðvitað er það alvarlegt“ Innlent Fannst látinn í hlíðum Esjunnar Innlent Íslendingur í Graz: „Brotna niður við að hugsa um þessa foreldra“ Erlent Musk sér eftir sumum færslunum sem hann birti um Trump Erlent Fleiri fréttir Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Persónuvernd lagði Landlækni en sektin milduð Rannsókn banaslyss í Brúará miði vel Guðrún spyr um há laun æðstu ráðamanna Fullyrðing um slaufun verknámsskóla „kolröng“ Rafmagn komið á aftur VG skoðar samstarf við aðra flokka fyrir kosningar næsta vor Grunur um íkveikju á Hjarðarhaga Mættu heim til lögreglumanns og ógnuðu honum með hníf Orri Harðarson er allur Látinn eftir líkamsárás en árásarmaðurinn gengur laus Sjá meira
„Þetta segir auðvitað það að Svandís gerir ekkert með stefnu Vg og vill frekar skrúfa óbreytt kerfi niður. Öll þessi vinna sem kostaði á annað hundrað milljónir, það er „Auðlindin okkar“ var bara leikrit. Leikritið gekk út á að teygja lopann og ætla ekki að breyta einu né neinu,“ segir Sigurjón í samtali við Vísi. Nú er deilt um stöðu Svandísar innan ríkisstjórnarinnar og reyndar ríkisstjórnarsamstarfið sjálft í tengslum við álit umboðsmanns vegna ákvörðunar Svandísar að leggja bann við hvalveiðum í sumar með engum fyrirvara. Inga Sæland formaður Flokks fólksins hefur greint frá því að hún hyggist leggja fram vantrauststillögu á Svandísi þegar þing kemur saman og vonar hún að það verði í samstarfi við fleiri foringja stjórnarandstöðunnar. Morgunblaðið greinir frá óánægju þingmanna Sjálfstæðisflokksins í morgun og að því hefur verið látið liggja að þeir vilji losna við hana úr ráðuneytinu, meðal annars vegna þessa frumvarps. En sé þetta rétt sem Sigurjón segir, þá ætti Sjálfstæðismönnum að hugnast vel þetta nýja frumvarp. Hörð umsögn á samráðsgáttinni Frumvarpið hefur verið lengi í vinnslu og eru vandfundin dæmi um eins ítarlegan undirbúning og fyrir þetta frumvarp. Þverpólitíska og faglega sátt átti að finna með skipan samráðsnefndarinnar Auðlindin okkar – að þjóðin tæki fiskveiðistjórnunarkerfið í sátt. Í drögum um sjávarútvegsstefnu er að finna framtíðarsýn íslensks sjávarútvegs til 2040, hvorki meira né minna. Svandís skrifaði grein á Vísi þar sem hún talar um tímamótafrumvarp. „Mín von er sú að með þeim umbótum sem lagðar eru til sérstaklega á sviði gagnsæis séu sköpuð skilyrði til aukinnar sáttar um sjávarútveg, enda séu leikreglur skýrari, upplýsingar liggi fyrir og ýmis álitamál leidd til lykta,“ segir meðal annars í grein Svandísar. En ef marka má Sigurjón eru þetta leiktjöld sett voru upp. Umsögn Sigurjóns um frumvarpið má finna á samráðsgátt en vefmiðillinn Miðjan segir ítarlega af efni hennar. „Í stuttu máli, þá sjást engin merki þess í frumvarpinu að verið sé að stíga skref til sátta en þau hljóta að miða að því að tryggja jafnræði í aðgengi að nýtingu auðlindarinnar, allt í senn til veiða, vinnslu og verðmætasköpunar á fiskafurðum. Ef frumvarpið verður samþykkt mun það augljóslega leiða til þess að þjóðin verði af gríðarlegum verðmætum sem og leiða til fákeppni og hnignunar greinarinnar,“ segir Sigurjón. Sigurjón ómyrkur í máli Að sögn varaþingmannsins var til að mynda rökstuddum athugasemdum í engu svarað og nefnir Sigurjón dæmi um fullyrðingar sem lagt var út af í þá veru að íslenska kerfið væri það besta í heimi. „Óskaði ég t.d. sérstaklega í þessu samhengi eftir upplýsingum um á hvaða samanburði matvælaráðuneytið byggði fullyrðingu sína um að Ísland væri eina landið innan OECD sem skilaði ríkissjóði jákvæðri afkomu. Þar varð fátt um svör þrátt fyrir ítrekaðan eftirrekstur önnur en þau að vísa í einn af höfundum kvótakerfisins sem iðulega hefur haft rangt fyrir sér um afrakstur og kosti núverandi kerfis. Eftir stóð að engin gögn lágu til grundvallar frasakenndum fullyrðingum, sem vekur furðu og hlýtur að draga verulega úr trúverðugleika matvælaráðherra.“ Sigurjón segir að Svandís hafi sýnt af sér mikil óheilindim frumvarpið sé í engu í takti við stefnu Vinstri grænna í málaflokknum.
Ríkisstjórn Katrínar Jakobsdóttur Sjávarútvegur Mest lesið „Stundin sem við höfum óttast er runnin upp“ Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Aðalmeðferð hafin í máli Sigurðar Fannars Innlent „Hjólið fellur á flugi, auðvitað er það alvarlegt“ Innlent Fannst látinn í hlíðum Esjunnar Innlent Íslendingur í Graz: „Brotna niður við að hugsa um þessa foreldra“ Erlent Musk sér eftir sumum færslunum sem hann birti um Trump Erlent Fleiri fréttir Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Persónuvernd lagði Landlækni en sektin milduð Rannsókn banaslyss í Brúará miði vel Guðrún spyr um há laun æðstu ráðamanna Fullyrðing um slaufun verknámsskóla „kolröng“ Rafmagn komið á aftur VG skoðar samstarf við aðra flokka fyrir kosningar næsta vor Grunur um íkveikju á Hjarðarhaga Mættu heim til lögreglumanns og ógnuðu honum með hníf Orri Harðarson er allur Látinn eftir líkamsárás en árásarmaðurinn gengur laus Sjá meira