Gallia est omnis Þorbjörg Gunnlaugsdóttir skrifar 6. júní 2019 07:00 Frásögn nýstúdentsins sjarmerandi úr Menntaskólanum í Reykjavík sem útskrifaðist á dögunum úr fornmáladeild skólans sigraði hjarta mitt. Saga hans af baráttunni við latínulexíur boðaði einhverja dæmalaust aðdáunarverða þrautseigju. Eldri skólafélagar hans, systur og bræður í fornmáladeild, táruðust við lesturinn. Þennan stúdent skiljum við. Miskunnarlaus hernaður Gallastríða Júlíusar Caesars var á dagskrá sex kennslustundir í viku í Latínuskólanum. Það mátti auðvitað ekki minna vera. Og í latínutímum rétt eins og í Gallastríðunum börðust menn til síðasta dropa. Í minningunni er eins og hermenn Caesars hafi lítið gert annað en að þramma yfir hæðir og fjöll heilu annirnar í MR. Á göngu skipulögðu þeir með hvaða hætti skyldi beita vopnum á grimma andstæðinga sína. Nemendur greindu málfræði stríðsrekstursins og hvaða fall og ablativus hentaði best til drápanna. Áróðursritið um Gallastríðin boðar kænsku, þrek og þrautseigju. Sendimenn fóru til Ceasars án árangurs með hótanir um að von væri á vondu færi hann ekki að ráðum þeirra. Okkar maður Caesar gersigraði nú samt. Latína var um aldir heimsmál og það er í mínum huga algert aukaatriði í málinu að latína er ekki lengur töluð. Það er lofsverður árangur að stúdentar sitji klukkustundum saman við lestur látinnar tungu. Seigla latínunnar lifir áfram í afkomendum hennar. Viðtalið við nýstúdentinn rammaði inn þá skynsamlegu lífssýn sem MR skilur eftir, að það skiptir máli að kunna að þreyja þorrann til enda. Þetta vissi Ceasar auðvitað og þetta kennir hann máladeildarstúdentum í dag sem endranær. Árin í MR færa nemendum þennan skilning og þessa þolinmæði. Og alla daga þökkum við fyrir að vita og skilja að Gallia est omnis divisa in partes tres. Það skiptir máli. Viltu birta grein á Vísi? Sendu okkur póst. Senda grein Birtist í Fréttablaðinu Þorbjörg Sigríður Gunnlaugsdóttir Mest lesið Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun Vönduð vinnubrögð? Heiðrún Lind Marteinsdóttir Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun Verið brjáluð. Ég fer ekki neitt Ian McDonald Skoðun Veitingastaðir eru ekki kjarnorkuver Jóhann Páll Jóhannsson Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir Skoðun Friðum Eyjafjörð Jana Salóme Ingibjargar Jósepsdóttir Skoðun Kaldar kveðjur frá forsætisráðherrra til ferðaþjónustunnar Pétur Óskarsson Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir Skoðun Það skiptir máli hvernig gervigreind er notuð í kennslu Hjörvar Ingi Haraldsson Skoðun
Frásögn nýstúdentsins sjarmerandi úr Menntaskólanum í Reykjavík sem útskrifaðist á dögunum úr fornmáladeild skólans sigraði hjarta mitt. Saga hans af baráttunni við latínulexíur boðaði einhverja dæmalaust aðdáunarverða þrautseigju. Eldri skólafélagar hans, systur og bræður í fornmáladeild, táruðust við lesturinn. Þennan stúdent skiljum við. Miskunnarlaus hernaður Gallastríða Júlíusar Caesars var á dagskrá sex kennslustundir í viku í Latínuskólanum. Það mátti auðvitað ekki minna vera. Og í latínutímum rétt eins og í Gallastríðunum börðust menn til síðasta dropa. Í minningunni er eins og hermenn Caesars hafi lítið gert annað en að þramma yfir hæðir og fjöll heilu annirnar í MR. Á göngu skipulögðu þeir með hvaða hætti skyldi beita vopnum á grimma andstæðinga sína. Nemendur greindu málfræði stríðsrekstursins og hvaða fall og ablativus hentaði best til drápanna. Áróðursritið um Gallastríðin boðar kænsku, þrek og þrautseigju. Sendimenn fóru til Ceasars án árangurs með hótanir um að von væri á vondu færi hann ekki að ráðum þeirra. Okkar maður Caesar gersigraði nú samt. Latína var um aldir heimsmál og það er í mínum huga algert aukaatriði í málinu að latína er ekki lengur töluð. Það er lofsverður árangur að stúdentar sitji klukkustundum saman við lestur látinnar tungu. Seigla latínunnar lifir áfram í afkomendum hennar. Viðtalið við nýstúdentinn rammaði inn þá skynsamlegu lífssýn sem MR skilur eftir, að það skiptir máli að kunna að þreyja þorrann til enda. Þetta vissi Ceasar auðvitað og þetta kennir hann máladeildarstúdentum í dag sem endranær. Árin í MR færa nemendum þennan skilning og þessa þolinmæði. Og alla daga þökkum við fyrir að vita og skilja að Gallia est omnis divisa in partes tres. Það skiptir máli.
Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun
Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun
Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir Skoðun
Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir Skoðun
Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun
Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun
Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir Skoðun
Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir Skoðun