Græn og glæsileg í íslenskri hönnun á rauða dreglinum Benedikt Bóas skrifar 8. maí 2017 14:15 Svala var flott í Another Creation. Svala Björgvinsdóttir geislaði í Kænugarði í gær í grænum silkisamfestingi eftir Ýri Þrastardóttur. Svala hafði samband við Ýri eftir RFF. „Ég er í fötum eftir Ýri Þrastardóttur sem er íslenskur hönnuður og hún er með merki sem heitir Another Creation,“ sagði Svala, sem svo sannarlega geislaði á rauða dreglinum fyrir utan Mariyinsky-höllina í Kænugarði í gær. Svala gekk alls 250 metra eftir öllum rauða dreglinum og sjarmeraði blaðamenn upp úr skónum í fallegum grænum silkisamfestingi úr smiðju Ýrar. „Þetta er í raun samfestingur með pilsi sem er hægt að taka af ef ég vil aðeins tjútta. Ég er því fín, og í stuðfötum,“ segir hún. Aldrei áður hefur verið svo langur rauður dregill í sögu Eurovision og lögðu Úkraínumenn allt undir til að stjörnurnar myndu líta sem best út og fá það sviðsljós sem þær áttu skilið. Yfir þúsund blaðamenn, myndatökumenn og ljósmyndarar voru fyrir utan höllina og þurfti að fara í gegn um gríðarlega öryggisgæslu til að komast inn á svæðið. Svala keppir fyrir Íslands hönd í Eurovision á þriðjudagskvöldið og stígur hún á sviðið 13. í röðinni. Í kvöld fer fram svokallað dómararennsli og þá gefa dómararnir sín atkvæði en þeirra vægi er fimmtíu prósent á við almenning í Evrópu. Svala virkaði róleg og einbeitt á rauða dreglinum í gær og ætlar hún sér greinilega stóra hluti í keppninni. „Þetta er lengsti rauði dregill sem ég hef farið á, hann er rosalega langur,“ segir Svala sem er að reyna að spara og hvíla röddina fyrir kvöldið í kvöld. Svala passar fullkomlega inn í konseptið„Mér finnst náttúrulega bara frábært og rosalega gaman að sjá Svölu í fötum eftir mig,“ segir Ýr Þrastardóttir, en hún er konan á bakvið Another Creation. Svala hafði samband við Ýri eftir sýningu hennar á Reykjavik Fashion Festival. „Þetta var hannað fyrir RFF, og er úr nýjustu línunni frá Another Creation, en ég reyndar lagaði dressið að Svölu,“ segir Ýr. Svala hefur nokkrum sinnum komið fram í hönnun Ýrar. „Hún passar fullkomlega inn í konseptið hjá mér!“ Mest lesið Glæsihöll Haraldar við Elliðavatn Lífið Röddin með stóru Erri og greini lögð á hilluna Lífið Króli og Birta eiga von á barni Lífið Fær ýmist þumalinn eða löngutöng vegna einkanúmersins Lífið Bjössi í Mínus er ný rödd Sýnar Lífið Sabrina Carpenter gagnrýnd fyrir að ýta undir hlutgervingu kvenna Lífið Hreinar húðvörur sem þú vildir óska að þú hefðir kynnst fyrr Lífið Herra Hnetusmjör og Sara keyptu draumahúsið Lífið Ævintýralega flóknar útskýringar á framtaksleysi og leti Lífið Bylgjulestin verður í stuði á Bíladögum á Akureyri Lífið samstarf Fleiri fréttir Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Fegin að hafa valið flottasta kjólinn fyrir óvænta trúlofun Enginn til ama á hátíðinni Steldu stílnum af Birgittu Líf á frönsku rívíerunni Hvernig á að klæða sig fyrir körfuboltaleik? Glæsileg í Cannes í sérsaumaðri íslenskri hönnun Ógleymanleg upplifun á klósetti í norskum kastala Innsýn í framtíðarheim tískunnar á Íslandi „Broshýr var Bogi Ágústsson, er bindin sín Rúvurum gaf“ Þau allra nettustu á Met Gala Afhjúpaði óléttuna á epískan hátt enn og aftur Mikil tilhlökkun fyrir stærstu tískuhátíð í heimi Sjá meira
Svala Björgvinsdóttir geislaði í Kænugarði í gær í grænum silkisamfestingi eftir Ýri Þrastardóttur. Svala hafði samband við Ýri eftir RFF. „Ég er í fötum eftir Ýri Þrastardóttur sem er íslenskur hönnuður og hún er með merki sem heitir Another Creation,“ sagði Svala, sem svo sannarlega geislaði á rauða dreglinum fyrir utan Mariyinsky-höllina í Kænugarði í gær. Svala gekk alls 250 metra eftir öllum rauða dreglinum og sjarmeraði blaðamenn upp úr skónum í fallegum grænum silkisamfestingi úr smiðju Ýrar. „Þetta er í raun samfestingur með pilsi sem er hægt að taka af ef ég vil aðeins tjútta. Ég er því fín, og í stuðfötum,“ segir hún. Aldrei áður hefur verið svo langur rauður dregill í sögu Eurovision og lögðu Úkraínumenn allt undir til að stjörnurnar myndu líta sem best út og fá það sviðsljós sem þær áttu skilið. Yfir þúsund blaðamenn, myndatökumenn og ljósmyndarar voru fyrir utan höllina og þurfti að fara í gegn um gríðarlega öryggisgæslu til að komast inn á svæðið. Svala keppir fyrir Íslands hönd í Eurovision á þriðjudagskvöldið og stígur hún á sviðið 13. í röðinni. Í kvöld fer fram svokallað dómararennsli og þá gefa dómararnir sín atkvæði en þeirra vægi er fimmtíu prósent á við almenning í Evrópu. Svala virkaði róleg og einbeitt á rauða dreglinum í gær og ætlar hún sér greinilega stóra hluti í keppninni. „Þetta er lengsti rauði dregill sem ég hef farið á, hann er rosalega langur,“ segir Svala sem er að reyna að spara og hvíla röddina fyrir kvöldið í kvöld. Svala passar fullkomlega inn í konseptið„Mér finnst náttúrulega bara frábært og rosalega gaman að sjá Svölu í fötum eftir mig,“ segir Ýr Þrastardóttir, en hún er konan á bakvið Another Creation. Svala hafði samband við Ýri eftir sýningu hennar á Reykjavik Fashion Festival. „Þetta var hannað fyrir RFF, og er úr nýjustu línunni frá Another Creation, en ég reyndar lagaði dressið að Svölu,“ segir Ýr. Svala hefur nokkrum sinnum komið fram í hönnun Ýrar. „Hún passar fullkomlega inn í konseptið hjá mér!“
Mest lesið Glæsihöll Haraldar við Elliðavatn Lífið Röddin með stóru Erri og greini lögð á hilluna Lífið Króli og Birta eiga von á barni Lífið Fær ýmist þumalinn eða löngutöng vegna einkanúmersins Lífið Bjössi í Mínus er ný rödd Sýnar Lífið Sabrina Carpenter gagnrýnd fyrir að ýta undir hlutgervingu kvenna Lífið Hreinar húðvörur sem þú vildir óska að þú hefðir kynnst fyrr Lífið Herra Hnetusmjör og Sara keyptu draumahúsið Lífið Ævintýralega flóknar útskýringar á framtaksleysi og leti Lífið Bylgjulestin verður í stuði á Bíladögum á Akureyri Lífið samstarf Fleiri fréttir Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Fegin að hafa valið flottasta kjólinn fyrir óvænta trúlofun Enginn til ama á hátíðinni Steldu stílnum af Birgittu Líf á frönsku rívíerunni Hvernig á að klæða sig fyrir körfuboltaleik? Glæsileg í Cannes í sérsaumaðri íslenskri hönnun Ógleymanleg upplifun á klósetti í norskum kastala Innsýn í framtíðarheim tískunnar á Íslandi „Broshýr var Bogi Ágústsson, er bindin sín Rúvurum gaf“ Þau allra nettustu á Met Gala Afhjúpaði óléttuna á epískan hátt enn og aftur Mikil tilhlökkun fyrir stærstu tískuhátíð í heimi Sjá meira