Vælukjóar á þingi Hildur Sverrisdóttir skrifar 26. júní 2015 07:00 Þolendur eineltis hugsuðu þingkonu Framsóknarflokksins þegjandi þörfina í vikunni þegar henni þótti tímans virði að kvarta undan því að helsti ráðamaður á þingi væri lagður í einelti af stjórnarandstöðunni. Ég veit ekki hvort er meira pirrandi; að gengisfella sisona hugtakið einelti á ábyrgðarlausan hátt eða að fólk sem fór sjálfviljugt í pólitík væli yfir starfsaðstæðum sínum. Þingkonan taldi að ítrekað væri verið að „fara í manninn en ekki boltann“. Það má vel vera. En í þessum aðfinnslum kristallast ákveðið þekkingarleysi á fulltrúalýðræði. Það eru fulltrúar sem eru kosnir til að fara áfram með mál og því sjálfsagt að gera athugasemdir við þá fulltrúa ef ástæða er til. Ef fulltrúarnir sjálfir eiga ekki að skipta máli gætum við alveg eins haft bara viðamiklar skoðanakannanir um öll landsins mál sem embættismenn fylgja svo eftir. Í fulltrúalýðræðinu er einnig sá fíni öryggisventill að allir bera pólitíska ábyrgð á gjörðum sínum – og orðum. Ef það er mál manna að á þingi sé hrekkjusvín sem komi of illa og niðrandi fram við aðra þingmenn mun sú persóna að lokum þurfa að súpa seyðið af því gagnvart kjósendum. Við höfum vissulega séð groddalegri samskipti á Alþingi undanfarin misseri en oft áður. Það minnir kannski meira á breska þingið þar sem löng hefð er fyrir að púað sé á andstæðinginn undir ræðuhöldunum. Ég skal ekki segja hvort það sé til eftirbreytni. Eflaust er það svo sem bara hið hressasta mál innan skynsamlegra marka. Í öllu falli er aulalegt að væla undan því að allir séu ekki góðir og glaðir á eina vinnustað landsins sem hefur það hlutverk að takast á. Og það er ljótt að gera svo lítið úr alvöru einelti að setja pólitísk átök í það samhengi. Alþingi er ekki eineltisvinnustaður – meira bara svona eins og kennslustofa þar sem kennarinn fór fram í kaffi og kom aldrei aftur. Viltu birta grein á Vísi? Sendu okkur póst. Senda grein Hildur Sverrisdóttir Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Raunir ríka fólksins og bænir þess Jónas Yngvi Ásgrímsson Skoðun Þjóð sem lætur kyrrt liggja? Magnús Árni Skjöld Magnússon Skoðun Talið við okkur áður en þið talið um okkur Ian McDonald Skoðun Óður til Sigga sjéní Ingvi Þór Georgsson Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun
Þolendur eineltis hugsuðu þingkonu Framsóknarflokksins þegjandi þörfina í vikunni þegar henni þótti tímans virði að kvarta undan því að helsti ráðamaður á þingi væri lagður í einelti af stjórnarandstöðunni. Ég veit ekki hvort er meira pirrandi; að gengisfella sisona hugtakið einelti á ábyrgðarlausan hátt eða að fólk sem fór sjálfviljugt í pólitík væli yfir starfsaðstæðum sínum. Þingkonan taldi að ítrekað væri verið að „fara í manninn en ekki boltann“. Það má vel vera. En í þessum aðfinnslum kristallast ákveðið þekkingarleysi á fulltrúalýðræði. Það eru fulltrúar sem eru kosnir til að fara áfram með mál og því sjálfsagt að gera athugasemdir við þá fulltrúa ef ástæða er til. Ef fulltrúarnir sjálfir eiga ekki að skipta máli gætum við alveg eins haft bara viðamiklar skoðanakannanir um öll landsins mál sem embættismenn fylgja svo eftir. Í fulltrúalýðræðinu er einnig sá fíni öryggisventill að allir bera pólitíska ábyrgð á gjörðum sínum – og orðum. Ef það er mál manna að á þingi sé hrekkjusvín sem komi of illa og niðrandi fram við aðra þingmenn mun sú persóna að lokum þurfa að súpa seyðið af því gagnvart kjósendum. Við höfum vissulega séð groddalegri samskipti á Alþingi undanfarin misseri en oft áður. Það minnir kannski meira á breska þingið þar sem löng hefð er fyrir að púað sé á andstæðinginn undir ræðuhöldunum. Ég skal ekki segja hvort það sé til eftirbreytni. Eflaust er það svo sem bara hið hressasta mál innan skynsamlegra marka. Í öllu falli er aulalegt að væla undan því að allir séu ekki góðir og glaðir á eina vinnustað landsins sem hefur það hlutverk að takast á. Og það er ljótt að gera svo lítið úr alvöru einelti að setja pólitísk átök í það samhengi. Alþingi er ekki eineltisvinnustaður – meira bara svona eins og kennslustofa þar sem kennarinn fór fram í kaffi og kom aldrei aftur.
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun