Litlar sálir Erla Björg Gunnarsdóttir skrifar 17. nóvember 2015 07:00 Þegar ég var 11 ára byrjaði ég í nýjum skóla og var skítstressuð. Reif kjaft og var með stæla til að fela það. Eins og maður gerir. Það var önnur stelpa að byrja í bekknum um leið og ég. Hún var með undarlega hárgreiðslu og í öðruvísi fötum. Pollróleg og yfirveguð. Það gerði hana ótrúlega spennandi og svo var hún fjandi falleg. Sorakjafturinn á litla gerpinu varð máttlaus og féll í skuggann af þessari spékoppagyðju. Það er nefnilega tækifæri falið í að vera nýja stelpan. Allar stelpurnar vilja vera memm. Strákarnir henda óvenju mörgum snjóboltum í mann. Fáránlega skemmtilegt! En það var eyðilagt fyrir mér. Hún fékk alla snjóboltana. Í hormónaleikjunum í frímínútum eltust allir strákarnir við hana og eftir viku voru flestir búnir að ná að klína klístruðum kossi á kinnina á henni. Henni fannst það ógeðslegt. En ég varð öfundsjúk. Og svo varð ég grimm. Og við vorum það allar. Þá byrjaði það. Spékoppagyðjan er dræsa! Strákasleikja sem kyssir alla. Við baktöluðum hana í stöppu. Og strákarnir heyrðu það. Og loksins varð glatað að vera skotinn í henni. Strákarnir fundu sniðug uppnefni. Ég hló þannig að mig verkjaði í maga. Og hjarta. Svo fór ég heim með henni eftir skóla að borða ristað brauð. Strákarnir voru vondir við hana en við stelpurnar vorum skrímslin. Um helgina las ég viðtal við stúlku sem var kölluð sjálfsalinn alla menntaskólagönguna. Því hún kyssti þrjá stráka á einni helgi og skólabræður hennar skrifuðu um það í fréttapésa. Ég hélt í alvöru að eftir margra ára opna umræðu væri búið að grafa drusluna. Að krakkar í dag væru klárari og meira töff. En „helvítis druslan“ lifir greinilega góðu lífi og er enn eitt beittasta vopnið í búri öfundsjúkra kvenna og óöruggra karla sem kunna ekki að verið fyndnir án þess að níðast á öðrum. Viltu birta grein á Vísi? Sendu okkur póst. Senda grein Erla Björg Gunnarsdóttir Tengdar fréttir Stimpluð drusla sem busi og kölluð sjálfsalinn Álfheiður Marta var ein af mörgum sem voru teknar fyrir í skólablaði MH og stimplaðar druslur. Hún skilur nú að hún átti stimpilinn ekki skilið. 14. nóvember 2015 07:00 Ræða druslustimplun í slúðurblaði skólans Formaður NFME segir slúðurblað skólans, Pésann, vera barn síns tíma. Nemendur í MH hafa fengið áminningar vegna alvarlegra aðdróttana og eineltis í Fréttapésa skólans. Stúlkur eru ekki síður aðgangsharðar við stúlkur en strákar. 17. nóvember 2015 06:00 Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þjóð sem lætur kyrrt liggja? Magnús Árni Skjöld Magnússon Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Losar Alþingi um leyfisveitinga-flækjuna? Katrín Helga Hallgrímsdóttir Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Örvæntingafullir endó-sjúklingar Diljá Mist Einarsdóttir Skoðun Óður til Sigga sjéní Ingvi Þór Georgsson Skoðun Álframleiðsla á Íslandi er ekki bara mikilvæg fyrir Ísland Guðríður Eldey Arnardóttir Skoðun
Þegar ég var 11 ára byrjaði ég í nýjum skóla og var skítstressuð. Reif kjaft og var með stæla til að fela það. Eins og maður gerir. Það var önnur stelpa að byrja í bekknum um leið og ég. Hún var með undarlega hárgreiðslu og í öðruvísi fötum. Pollróleg og yfirveguð. Það gerði hana ótrúlega spennandi og svo var hún fjandi falleg. Sorakjafturinn á litla gerpinu varð máttlaus og féll í skuggann af þessari spékoppagyðju. Það er nefnilega tækifæri falið í að vera nýja stelpan. Allar stelpurnar vilja vera memm. Strákarnir henda óvenju mörgum snjóboltum í mann. Fáránlega skemmtilegt! En það var eyðilagt fyrir mér. Hún fékk alla snjóboltana. Í hormónaleikjunum í frímínútum eltust allir strákarnir við hana og eftir viku voru flestir búnir að ná að klína klístruðum kossi á kinnina á henni. Henni fannst það ógeðslegt. En ég varð öfundsjúk. Og svo varð ég grimm. Og við vorum það allar. Þá byrjaði það. Spékoppagyðjan er dræsa! Strákasleikja sem kyssir alla. Við baktöluðum hana í stöppu. Og strákarnir heyrðu það. Og loksins varð glatað að vera skotinn í henni. Strákarnir fundu sniðug uppnefni. Ég hló þannig að mig verkjaði í maga. Og hjarta. Svo fór ég heim með henni eftir skóla að borða ristað brauð. Strákarnir voru vondir við hana en við stelpurnar vorum skrímslin. Um helgina las ég viðtal við stúlku sem var kölluð sjálfsalinn alla menntaskólagönguna. Því hún kyssti þrjá stráka á einni helgi og skólabræður hennar skrifuðu um það í fréttapésa. Ég hélt í alvöru að eftir margra ára opna umræðu væri búið að grafa drusluna. Að krakkar í dag væru klárari og meira töff. En „helvítis druslan“ lifir greinilega góðu lífi og er enn eitt beittasta vopnið í búri öfundsjúkra kvenna og óöruggra karla sem kunna ekki að verið fyndnir án þess að níðast á öðrum.
Stimpluð drusla sem busi og kölluð sjálfsalinn Álfheiður Marta var ein af mörgum sem voru teknar fyrir í skólablaði MH og stimplaðar druslur. Hún skilur nú að hún átti stimpilinn ekki skilið. 14. nóvember 2015 07:00
Ræða druslustimplun í slúðurblaði skólans Formaður NFME segir slúðurblað skólans, Pésann, vera barn síns tíma. Nemendur í MH hafa fengið áminningar vegna alvarlegra aðdróttana og eineltis í Fréttapésa skólans. Stúlkur eru ekki síður aðgangsharðar við stúlkur en strákar. 17. nóvember 2015 06:00
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun