Jólagjafir til útlanda

Hér eru nokkrar hugmyndir að gjöfum fyrir vini og ættingja erlendis.

Njála Íslensk klassík á hljóðbók. Íslendingar erlendis geta huggað sig við að bókmenntaarfurinn rýrnaði ekki í efnahagshruninu. Brennu-Njáls saga kostar 4.990 krónur í Eymundsson í Kringlunni.

Húfa og vettlingar Íslenska ullin klikkar ekki. Notaleg gjöf sem hlýjar. Fæst í Islandia í Kringlunni á samtals 3.830 krónur.

Lundi Grillhanski með lunda á er frábær gjöf til vina erlendis, sérstaklega ef þeir eru úr Eyjum. Fæst í Islandia í Kringlunni á 1.190 krónur.

Myndabók frá Íslandi Myndir af íslenskri náttúru eru ágætis áminning til vina erlendis um kosti Íslands. Bókin Innanlands eftir Sigurgeir Sigurjónsson fæst á 2.900 krónur í Eymundsson í Kringlunni.

Harðfiskur Fátt er íslenskara en harðfiskurinn. Nærandi og þjóðleg gjöf. 300 grömm af roðlausri ýsu fást á 1.798 krónur í Bónus.