Kvikmyndagerðarmenn leggja Búðardal undir sig Freyr Gígja Gunnarsson skrifar 6. júlí 2009 06:00 Ólafur Jóhannesson er í góðum félagsskap í kvikmyndinni Laxdæla Lárusar Skjaldarsonar. Stefán Karl leikur aðalpersónuna Lárus sem lýgur sig inn í samfélagið á Búðardal á þeim forsendum að hann geti komið sláturhúsi staðarins aftur af stað. Ingvar E. Sigurðsson leikur hins vegar útgerðarkóng sem er ástfanginn af Jónatan en hann er leikinn af Gunnari Hanssyni. „Ég held að íbúunum sé alveg slétt sama, fullkomlega, það verður allavega engum alíkálfi slátrað þegar maður kemur,“ segir kvikmyndagerðarmaðurinn Ólafur Jóhannesson. Hann er á leiðinni heim til Búðardals þar sem nýjasta kvikmynd hans, Laxdæla Lárusar Skjaldarsonar, gerist. Ólafur er frá Búðardal, ólst þar upp en vill sem minnst af laginu Heim í Búðardal eftir Gunnar Þórðarson vita. „Nei, maður fattaði að þetta lag er til á einhverjum tímapunkti sem Búðdælingur og svo fékk maður ógeð á því.“ Æfingar hafa staðið yfir í gamla Saltfélagshúsinu að undanförnu en hópurinn heldur vestur í vikunni og leggur þá Búðardal undir sig. „Já, við munum búa úti um allt, í leikskólum, félagsheimilinu og svo munum við ganga inn í hús. Árangurinn veltir svolítið mikið á gestrisni íbúanna,“ útskýrir Ólafur. Laxdæla Lárusar segir frá Lárusi, sem er verkfræðingur með allt niðrum sig. Konan farin og hann stendur berskjaldaður frammi fyrir nöprum hversdagsleikanum. Hann ákveður að ljúga sig inn í samfélagið í Búðardal á þeim forsendum að hann geti sett sláturhús staðarins aftur af stað. Eins og Fréttablaðið hefur greint frá leikur Stefán Karl Stefánsson aðalhlutverkið en hann verður í góðum félagsskap. Benedikt Erlingsson, Ragnhildur Steinunn Jónsdóttir, Hilmir Snær, Harpa Arnarsdóttir og Eggert Þorleifsson fara öll með hlutverk í myndinni en Eggert leikur sveitarstjórann á svæðinu. Ágústa Eva Erlendsdóttir leikur einnig stórt hlutverk í myndinni en hún er einnig að leika Bjarnfreði í kvikmyndinni Bjarnfreðarson. „Ég og Ragnar Bragason erum fínir vinir og ræddum þetta, hún verður á einhverjum þvælingi á milli tökustaða og er bara sátt með það,“ útskýrir Ólafur. Ingvar E. Sigurðsson leikur síðan útgerðarkóng að vestan sem hefur fundið ástina í líki Jónatans sem Gunnar Hansson leikur. Ólafur segir að hópurinn hafi átt erfitt með sig þegar þeir tveir voru að æfa atriðin sín, menn og konur hafi hreinlega grenjað úr hlátri. Ólafur hræðist ekkert að fara með þennan stóra hóp stórstjarna vestur á land. „Þetta verður ekkert mál og það sem mér þykir eiginlega skemmtilegast er að þarna hittir listapakkið af höfuðborgarsvæðinu listafólkið utan af landi og það verður til einhver ljóstillífun þarna á milli af því einhver api ákveður að búa til kvikmynd,“ útskýrir Ólafur. Mest lesið Herra Hnetusmjör og Sara keyptu draumahúsið Lífið Stjörnulífið: Sjóðheit og löng helgi Lífið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist Ljóð Lomma reyndist vera skáldskapur gervigreindarinnar Menning 50+: Að eiga draumalista getur komið okkur skemmtilega á óvart Lífið Léttir að geta loks rætt íslenskan leik opinberlega Leikjavísir Sly Stone er látinn Lífið Dekurbossinn Hjalti: „Mömmur eru einfaldlega bestar og mín var ein sú allra besta“ Áskorun Forsetabörnin loksins komin heim Lífið Fleiri fréttir Amatörar, hvalfirskur bóndi og barátta við borgina verðlaunuð Nýju Harry, Ron og Hermione fundin Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Sjá meira
„Ég held að íbúunum sé alveg slétt sama, fullkomlega, það verður allavega engum alíkálfi slátrað þegar maður kemur,“ segir kvikmyndagerðarmaðurinn Ólafur Jóhannesson. Hann er á leiðinni heim til Búðardals þar sem nýjasta kvikmynd hans, Laxdæla Lárusar Skjaldarsonar, gerist. Ólafur er frá Búðardal, ólst þar upp en vill sem minnst af laginu Heim í Búðardal eftir Gunnar Þórðarson vita. „Nei, maður fattaði að þetta lag er til á einhverjum tímapunkti sem Búðdælingur og svo fékk maður ógeð á því.“ Æfingar hafa staðið yfir í gamla Saltfélagshúsinu að undanförnu en hópurinn heldur vestur í vikunni og leggur þá Búðardal undir sig. „Já, við munum búa úti um allt, í leikskólum, félagsheimilinu og svo munum við ganga inn í hús. Árangurinn veltir svolítið mikið á gestrisni íbúanna,“ útskýrir Ólafur. Laxdæla Lárusar segir frá Lárusi, sem er verkfræðingur með allt niðrum sig. Konan farin og hann stendur berskjaldaður frammi fyrir nöprum hversdagsleikanum. Hann ákveður að ljúga sig inn í samfélagið í Búðardal á þeim forsendum að hann geti sett sláturhús staðarins aftur af stað. Eins og Fréttablaðið hefur greint frá leikur Stefán Karl Stefánsson aðalhlutverkið en hann verður í góðum félagsskap. Benedikt Erlingsson, Ragnhildur Steinunn Jónsdóttir, Hilmir Snær, Harpa Arnarsdóttir og Eggert Þorleifsson fara öll með hlutverk í myndinni en Eggert leikur sveitarstjórann á svæðinu. Ágústa Eva Erlendsdóttir leikur einnig stórt hlutverk í myndinni en hún er einnig að leika Bjarnfreði í kvikmyndinni Bjarnfreðarson. „Ég og Ragnar Bragason erum fínir vinir og ræddum þetta, hún verður á einhverjum þvælingi á milli tökustaða og er bara sátt með það,“ útskýrir Ólafur. Ingvar E. Sigurðsson leikur síðan útgerðarkóng að vestan sem hefur fundið ástina í líki Jónatans sem Gunnar Hansson leikur. Ólafur segir að hópurinn hafi átt erfitt með sig þegar þeir tveir voru að æfa atriðin sín, menn og konur hafi hreinlega grenjað úr hlátri. Ólafur hræðist ekkert að fara með þennan stóra hóp stórstjarna vestur á land. „Þetta verður ekkert mál og það sem mér þykir eiginlega skemmtilegast er að þarna hittir listapakkið af höfuðborgarsvæðinu listafólkið utan af landi og það verður til einhver ljóstillífun þarna á milli af því einhver api ákveður að búa til kvikmynd,“ útskýrir Ólafur.
Mest lesið Herra Hnetusmjör og Sara keyptu draumahúsið Lífið Stjörnulífið: Sjóðheit og löng helgi Lífið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist Ljóð Lomma reyndist vera skáldskapur gervigreindarinnar Menning 50+: Að eiga draumalista getur komið okkur skemmtilega á óvart Lífið Léttir að geta loks rætt íslenskan leik opinberlega Leikjavísir Sly Stone er látinn Lífið Dekurbossinn Hjalti: „Mömmur eru einfaldlega bestar og mín var ein sú allra besta“ Áskorun Forsetabörnin loksins komin heim Lífið Fleiri fréttir Amatörar, hvalfirskur bóndi og barátta við borgina verðlaunuð Nýju Harry, Ron og Hermione fundin Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Sjá meira