Stormviðvörun Þráinn Bertelsson skrifar 3. mars 2008 06:00 Skynsamlegustu skrif sem birst hafa um íslensk efnahagsmál í háa herrans tíð eru eftir Andrés Magnússon geðlækni. Þótt ég sé að sjálfsögðu fremur sjúklingur en læknir deili ég ákveðinni kvíðatilfinningu með Andrési. Reyndar hlýtur það að vera áhyggjuefni að sá okkar Íslendinga sem einna glúrnastur er í peningamálum segir að nýeinkavæddir bankarnir séu á nippinu með að fara á hausinn. Ríkisreknir bankar voru ekki upp á marga fiska en hengu samt á floti svo að maður var að vona að jakkafataviðundrin færu ekki að klúðra starfsemi sem felst í því að lána verðtryggða peninga á okurvöxtum. SJÁLFUR hef ég aldrei fundið mikinn mun á efnahagslegum hæðum og lægðum enda er minn staður í tilverunni á efnahagslegu lægðasvæði þar sem aldrei er flugveður fyrir einkaþotur. FJÁRMÁLASNILLINGAR koma mér forneskjulega fyrir sjónir. Bossklæddir viðskiptajöfrar nútímans þykja mér jafn ámátlegir og brynklæddir riddarar miðalda. Nú þarf svonefnt „viðskiptavit" til að græða meðan riddarastétt fornaldar byggði upp veldi sitt í krafti líkamlegra yfirburða líkt og svonefndir handrukkarar gera enn í dag. Það er orðin ríkjandi skoðun að handrukk sé komið úr tísku og fáránlegt sé að menn afli sér fjár nema með „viðskiptaviti". MIÐAÐ við stormviðvaranir um aðsteðjandi fjárhagslega fellibylji er kvíðvænlegt að sjá tómlæti yfirvalda um að koma almenningi í skjól áður en húsin fara að fjúka ofan af landsmönnum. Forsætisráðherrann okkar heimsækir Evrópusambandið og tilkynnir í því tilefni að Evrópusambandsumsókn sé alls ekki á dagskrá. Þetta er svipað og dr. Ólafur Ragnar gerði sér ferð í Valhöll og erindið væri að tilkynna að frú Dorrit og hann séu ekki að hugsa um að ganga í Flokkinn. Utanríkisráðherrann er hins vegar upptekinn við að koma Íslandi í öryggisráð Sameinuðu þjóðana og undirbúa sig fyrir útrásarráðstefnu á Barbados. Það er vitanlega mikilvægt að Barbadossar fái vitneskju um hvað Íslendingar eru frábærir þótt enn ekki komist í verk að opna þar sendiráð. KANNSKI er ég að hengja bakara fyrir smið. Kannski stendur það upp á Almannavarnir en ekki ríkisstjórnina að bregðast við efnahagslegum stormviðvörunum? Viltu birta grein á Vísi? Sendu okkur póst. Senda grein Þráinn Bertelsson Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Raunir ríka fólksins og bænir þess Jónas Yngvi Ásgrímsson Skoðun Óður til Sigga sjéní Ingvi Þór Georgsson Skoðun Þjóð sem lætur kyrrt liggja? Magnús Árni Skjöld Magnússon Skoðun Talið við okkur áður en þið talið um okkur Ian McDonald Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun
Skynsamlegustu skrif sem birst hafa um íslensk efnahagsmál í háa herrans tíð eru eftir Andrés Magnússon geðlækni. Þótt ég sé að sjálfsögðu fremur sjúklingur en læknir deili ég ákveðinni kvíðatilfinningu með Andrési. Reyndar hlýtur það að vera áhyggjuefni að sá okkar Íslendinga sem einna glúrnastur er í peningamálum segir að nýeinkavæddir bankarnir séu á nippinu með að fara á hausinn. Ríkisreknir bankar voru ekki upp á marga fiska en hengu samt á floti svo að maður var að vona að jakkafataviðundrin færu ekki að klúðra starfsemi sem felst í því að lána verðtryggða peninga á okurvöxtum. SJÁLFUR hef ég aldrei fundið mikinn mun á efnahagslegum hæðum og lægðum enda er minn staður í tilverunni á efnahagslegu lægðasvæði þar sem aldrei er flugveður fyrir einkaþotur. FJÁRMÁLASNILLINGAR koma mér forneskjulega fyrir sjónir. Bossklæddir viðskiptajöfrar nútímans þykja mér jafn ámátlegir og brynklæddir riddarar miðalda. Nú þarf svonefnt „viðskiptavit" til að græða meðan riddarastétt fornaldar byggði upp veldi sitt í krafti líkamlegra yfirburða líkt og svonefndir handrukkarar gera enn í dag. Það er orðin ríkjandi skoðun að handrukk sé komið úr tísku og fáránlegt sé að menn afli sér fjár nema með „viðskiptaviti". MIÐAÐ við stormviðvaranir um aðsteðjandi fjárhagslega fellibylji er kvíðvænlegt að sjá tómlæti yfirvalda um að koma almenningi í skjól áður en húsin fara að fjúka ofan af landsmönnum. Forsætisráðherrann okkar heimsækir Evrópusambandið og tilkynnir í því tilefni að Evrópusambandsumsókn sé alls ekki á dagskrá. Þetta er svipað og dr. Ólafur Ragnar gerði sér ferð í Valhöll og erindið væri að tilkynna að frú Dorrit og hann séu ekki að hugsa um að ganga í Flokkinn. Utanríkisráðherrann er hins vegar upptekinn við að koma Íslandi í öryggisráð Sameinuðu þjóðana og undirbúa sig fyrir útrásarráðstefnu á Barbados. Það er vitanlega mikilvægt að Barbadossar fái vitneskju um hvað Íslendingar eru frábærir þótt enn ekki komist í verk að opna þar sendiráð. KANNSKI er ég að hengja bakara fyrir smið. Kannski stendur það upp á Almannavarnir en ekki ríkisstjórnina að bregðast við efnahagslegum stormviðvörunum?
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun